20 Shtator 2020

UNDP dhe Universum fillojne shkollën mbi zhvillimin njerëzor

Prishtinë, 21 mars - Sot, UNDP dhe Kolegji Universitar Universum nënshkruan një Memorandum të Mirëkuptimit (MoU) për fillimin e shkollës mbi zhvillim të qëndrueshëm njerëzor, e para e këtij lloji në Kosovë dhe rajon.

Shkolla do të fillojë më 16 prill dhe do të zgjasë dhjetë ditë me qëllim kryesor të arsimimit të pjesëmarrësve rreth trendeve aktuale dhe në zhvillim e sipër të zhvillimit njerëzor në nivel global, rajonal dhe kombëtar.

Pjesëmarrësit e shkollës do të kenë qasje në bibliotekën elektronike dhe në forumin on-line për të marrë pjesë në diskutime që do të drejtohen nga facilitatorë tematik.

25 studentët më të mirë do të përzgjidhen bazuar në rekomandimet e profesorëve dhe nivelin e dijenisë së gjuhës angleze.

Kursi do të përbëhet nga ushtrime praktike dhe diskutime të udhëhequra nga ekspertë dhe profesionistë të fushave të ndryshme nga UNDP-ja, rrethi akademik dhe organizatat ndërkombëtare zhvillimore.

Memorandumi u nënshkrua nga  Osnat Lubrani,Koordinatore e KB-së për Zhvillim dhe Përfaqësuese e Përhershme e UNDP-së dhe Arlinda Berisha,  UD e Drejtoreshës në Kolegjin Universitar Universum.

Kalendari

Ngjarjet e datës 20 Shtator 2020

- Forumi Ballkanik në emër të Platformës së Shoqërisë Civile për Demokraci dhe të Drejtat e Njeriut mban konferencë për shtyp në të cilën publikon raportin hulumtues, që është një vështrim mbi progresin e bërë nga 6 vendet e Ballkanit Perëndimor drejt zbatimit të zotimeve të tyre që nga Samiti i Ballkanit Perëndimor në Londër (2018) dhe Poznań (2019), të zhvilluara në kuadër të Procesit të Berlinit të nisur në vitin 2014. (Zyret e Forumit Ballkanik Rr. Tirana, C4/2 LAM B-N2 11-1, banesat e bardha të Prime Group, afër Euro Printy, ora 13:00)
 
- Lëvizja Vetëvendosje mban konferencë për media. (Zyret e LV-së në Arbëri, ora 14:00)