01 Shkurt 2023

UBT certifikon edhe 23 kandidatë për ciceron

Prishtinë, 13 tetor - Universiteti për Biznes dhe Teknologji (UBT) e mbështetur nga  GTZ-ja  dhe  në bashkëpunim me Ministrin e Tregtisë dhe të Industrisë (MTI),  organizoi për herë të dytë në Kosovë trajnimin dhe certifikimin e personave për “Ciceronët Turistikë”.

Gjatë ndarjes së certifikatave rektori i UBT-së Edmond Hajrizi tha: ”Pas një punë të suksesshme, po e mbyllim një trajnim që  për herë të dytë  mbahet në Kosovë, pikërisht në UBT,  trajnimi për ciceronët turistik,  dhe ne si UBT  kemi  pas nderin  dhe kënaqësinë që ta implementojmë  një projekt të tillë”, tha Presidenti i UBT, E. Hajrizi,  i cili kandidatët e trajnuar për fushën në fjalë i vlerësoj me potencial të lartë për prezantim të vendit,  dhe shtoj se së shpejti do filloj edhe grupi i tretë.

Po ashtu gjatë ceremonisë në fjalë të pranishëm ishin edhe përfaqësuesit e organizatave joqeveritare dhe përfaqësuesi nga GTZ.

Ekrem Hyseni tha “Sot turizmin në  Kosovë ka kush ta  prezantoj qoftë për brenda qoftë për jashtë dhe me vjen mire që pas GTZ-së janë angazhuar edhe donatorë tjerë për projektin në fjalë,  dhe i përgëzoj të gjithë kandidatët  pjesëmarrës dhe ju uroj punë të suksesshme, duke shpresuar që parë të tjerëve ta prezantojnë vendin tonë sa më mirë”, Hyseni ceki se me trajnime për ciceron do vazhdojnë  ende.

Po ashtu gjatë ceremonisë i pranishëm ishte edhe Zek Qeku , përfaqësuesi nga KOTAS-i, i cili tha “Kam pas  mendime dhe dilema që në Kosovë nuk ka turizëm , nuk ka grupe turistikë,  nuk ka vizitor turistik dhe ju them sinqerisht që ka dhe ka me pas edhe në të ardhmen,  mirëpo fatkeqësia më madhe  në Kosovë mungonte  vetëdijesim  për sektorin e turizmit po edhe në anën tjetër problem që nuk ka pas guida profesionale të certifikuara,   dhe prej ditës së sotme Kosova ka 40 ciceron (gudia) të certifikuar për ta prezantuar sektorin e turizmit”, përfundoi Zek Qeku.
 

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)