21 Maj 2019

Studentëve dhe nxënësve të shkollave të mesme u flitet për ndërmarrësi

Prishtinë, 14 nëntor - Kolegji IBC-M në Mitrovicën e jugut si dhe Shkolla Profesionale “Adem Gllavica” në Lipjan ishin destinacionet e aktiviteteve të radhës në kuadër të Javës Globale të Ndërmarrësisë që po mbahet në Kosovë, ku para të rinjve u prezantuan mundësitë e shumta që ofron ndërmarrësia.

Nën organizimin e Agjencisë për Zhvillim Rajonal Veri (RDA-N), Odës Ekonomike Amerikane në Kosovë dhe Innovation Centre Kosovo (ICK) në Mitrovicë para një grupi studentesh të etnive të ndryshme u fol për mundësitë e shumta që burojnë nga angazhimi i të rinjve në ndërmarrësi.

Drejtori i Odës Ekonomike Amerikane në Kosovë Arian Zeka tha se pavarësisht vështirësive me të cilat përballet sektori privat, të rinjtë duhet të orientohen kah ndërmarrësia dhe të mos e shohin sektorin publik si një vend ku ata mund të gjejnë punë.

Visar Idrizi, pronar i ndërmarrjes grafike Vi-Print, foli për sfidat e tij në rrugën e ndërmarrësisë si dhe për rreziqet e shumta që ka ndërmarrë, ashtu që të mund të ndërtojë një biznes të suksesshëm. Ai inkurajoi të rinjtë që të mos frenohen nga sfidat e shumta me të cilat mund të ballafaqohen.

Në anën tjetër, në bashkëpunim me Agjencinë e Zhvillimit Rajonal Qendër (RDA-C), Oda Amerikane organizoi një ligjëratë edhe për nxënësit e Shkollës Profesionale “Adem Gllavica” në Lipjan të cilët patën mundësi që të dëgjojnë rrëfimin personal të biznesit të Kujtim Gjevorit, pronar i prodhuesit të produkteve të plastikës “SCAMPA” foli për vështirësitë me të cilat është ballafaquar ai dhe prodhuesit e tjerë në Kosovë, por që pavarësisht tyre, ai do t’i rekomandonte të rinjtë që të orientohen vetëm në ndërmarrësi, meqë ky është sektori ku ata mund të bëjnë gjëra të mëdha për vetën dhe të tjerët.

Ndërsa, Mrika Gashi nga ARDA u tha nxënësve të pranishëm se ata mund të llogarisin edhe në përkrahje financiare për idetë potenciale të biznesit që ata mund të kenë, derisa Arian Zeka u bëri thirrje të rinjve që të besojnë në mundësitë që ofron Kosova dhe të mos e shohin perspektivën e vetme largimin nga vendi.

Java Globale e Ndërmarrësisë në Kosovë organizohet nën udhëheqjen e Innovation Centre Kosovo ndërsa aktivitete në kuadër të kësaj jave organizohen në 170 shtete të tjera të botës.

Kalendari

Ngjarjet e datës 21 maj 2019 - Komisioni Qendror i Zgjedhjeve mban mbledhjen e radhës. (Selia e KQZ-së, ora 9:00)

- Komiteti për Politik dhe Financa i Komunës së Rahovecit mban mbledhjen e pestë të rregullt në të cilen shqyrton Qarkoren e parë buxhetore të Ministrisë së Financave. (Salla e mbledhjeve të Kuvendit të Komunës së Rahovecit, ora 10:00)

- Ministri i Punës dhe Mirëqenies Sociale, Skender Reqica dhe Avokati i Popullit raportojnë para komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me çështjen e statusit të personave të plagosur në Kosovë, para periudhës së luftës. (Ndërtesa e Kuvendit, salla N 302, ora 10:00)

- Forumi Ekonomik Mbarëkombëtar, në mbështetje të Klubit të Prodhuesve të Kosovës, Dhomës së Tregtisë dhe Industrisë në Tiranë, Odës Ekonomike të Kosovës dhe Bashkimit të Prodhuesve Shqiptarë organizon konferencën “Mundësitë dhe sfidat e marrëdhënieve tregtare Kosovë- Shqipëri”, konferencë kjo e cila do të adresojë problemet dhe barrierat tregtare që prodhuesit e dy të dy vendeve janë duke i hasur. (Hotel Tirana International në Tiranë, ora 10:30)

- “Let’s Do It” organizon aksion për pastrimin e deponisë më të madhe në Rajonin e Pejës, në fshatin Dydesh. (Fshati Dydesh, ora 10:30)

-  Projekti “Mbështetja e Komunikimit të Procesit të Integrimit Evropian”, I financuar nga Zyra e Bashkimit Evropian në Kosovë, në bashkëpunim me Ministrinë e Integrimit Evropian, organizon panel diskutimime temën: Prodhimi vendor dhe tregu i BE-së. (Ndërtesa e Kuvendit Komunal të Kamenicës, ora 10:30)

- Mbahet seancë e veçantë e Kuvendit të Republikës së Kosovës në të cilën do të përkujtohet 20 vjetori i Masakrës në Burgun e Dubravës. (Kuvendi i Kosovës, ora 11:00)

- Ministri i Mjedisit dhe Planifikimit Hapësinor, Fatmir Matoshi do të pres në takim kryetarët e komunave: Prizren, Podujevë, Shtërpc, Obiliq dhe Novobërdë, me të cilët do të nënshkruajë Memorandume të Bashkëpunimit për realizimin e disa projekteve mjedisore të cilat financohen nga Ministria e Mjedisit dhe Planifikimit Hapësinor. (Kabineti i Ministrit Matoshi, ish objekti Rilindja, kati 17, ora 11:00)

- Kryetari i komunës së Istogut, Haki Rugova pret në takim zëvendës ambasadorin bullgar në Kosovë ku do të bëje nënshkrimin e një marrëveshjeje për financimin e një projekti në qerdhën “Gëzimi Ynë” në Istog. (Zyra e krytarit Rugova, ora 11:30)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të votohet vendimi i Qeverisë me të cilin autorizohet Komisioni Qeveritar për Privatizimin e Ndërmarrjes Publike "Telekomi i Kosovës". (Ndërtesa e Kuvendit, salla N 10, ora 12:00)

- Universiteti “Kadri Zeka” në Gjilan organizon promovimin e katër librave të profesorëve  të Fakultetit të Edukimit ne UKZ: “Poetika e këngës epike historike”  autore Nevrije Bislimi-Ismaili, “As engjëlli, as djall” autor  Merxhan Avdyli, “Kurrikula dhe të menduarit kritik” autor Mensur Neziri dhe libri “Kërkime në leksikun e Pjetër Bogdanit” i autorit Faton Krasniqi. (Salla A34 në Universitetin “Kadri Zeka” në Gjilan, ora 12:00)

- Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të shqyrtohet raportit vjetor i Komisionit Qëndror të Zgjedhjeve për vitin 2018, etj. (Ndërtesa e Kuvendit, salla C 203, ora 13:00)

- Kryetari i Komunës së Prizrenit Mytaher Haskuka do të bëjë përurimin e parkut dhe këndit të lojërave për fëmijë. (Prapa Shtëpisë së Bardhë në Prizren, ora 13:00) 

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet Projektligjit për mbrojtjen e ajrit nga ndotja. (Ndërtesa e Kuvendit, salla N 303, ora 13:00)

- Ministri i Infrastrukturës dhe Transportit Pal Lekaj merrë pjesë në përurimin e urës së fshatit Topanicë, komuna e Kamenicës. (Fshati Topanicë, rruga Crep - Kamenicë, kilometri i parë, ora 15:00)

- Mbahet Akademi përkujtimore në nderim të 20 vjetorit të rënies së dëshmorëve Kemal Thaqi e Ekrem Gudaqi dhe martirëve të rënë më 21 maj të vitit 1999, Hanife Jaha, Selvije Krivanjeva, Hanife Gudaqi, Ramush Jaha, Baki Bela, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi, Brahim Dashi dhe Fitim Gudaqi. (Shtëpia e Kulturës “Xheladin Kurtaj” në Kaçanik 16:00)