28 Shtator 2020

Studentët e Kolegjit ISPE – mysafirë të KFOR-it

Prishtinë, 12 shtator - Me rastin e ndërrimit të Komandës së KFOR-it, të pranishëm ishin edhe studentët e Kolegjit ISPE.

Vizita është realizuar nga një grup i studentëve të Kolegjit, të cilët ishin të ftuar nga admirali amerikan, Samuel J. Locklear III.
Studentët ishin të privilegjuar nga ftesa, meqë ishin studentët e vetëm pjesëmarrës në këtë ceremoni, ku morën pjesë personalitet të shumta vendore dhe ndërkombëtare.

Ata patën mundësinë të shohin paradën e ushtarëve të KFOR-it të dhe ushtarëve të FSK-së. Po ashtu, studentët e Kolegjit ISPE patën rastin të takohen dhe të bisedojnë me shumë personalitete vendore dhe ndërkombëtare, përfshirë edhe Presidenten e Republikës së Kosovës, Atifete Jahjaga, ambasadorin amerikan në Kosovë, Christopher Dell etj.

Pas përfundimit të ceremonisë së ndërrimit të komandës nga gjeneralmajori Erhard Buhler tek gjeneralmajori Erhard Drews, studentët ishin të ftuar në një koktej rasti, ku patën mundësinë të takohen me shumë personalitete nga Komanda e KFOR-it dhe NATO-s, ku i pranishëm ishte edhe përfaqësuesi ushtarak nga Republika e Shqipërisë.

Pjesëmarrja e studentëve të Kolegjit ISPE në këtë ceremoni, e cila realizohet ne vazhdën e aktiviteteve të përbashkëta të organizuara nga Kolegji ISPE dhe Komanda e KFOR-it, dëshmon bashkëpunimin e ngushtë të Kolegjit me të gjithë institucionet relevante, si dhe tregon seriozitetin e dëshmuar të këtij Kolegji si i vetmi institucion i Arsimit të Lartë që ofron programe ekskluzive në studimet evropiane dhe studimet e sigurisë.

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës ku me pas do të ketë edhe konferencë për media. (Ndërtesa e Qeverisë, ora 8:30)

- Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

- Valbon Krasniqi, ud. drejtor i përgjithshëm i ShSKUK-së dhe Ministri i Shëndetësisë, Armend Zemaj mbajnë konferencë për medie, në lidhje me rikthimin e shërbimeve shëndetësore, përfshirë punën e ambulancave specialistike, operacioneve jo emergjente dhe shërbimeve tjera elektive. (Para objektit të  administratës së ShSKUK-së ora 10:00)

- Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Zëvëndësministri i Drejtësisë, njëherit Koordinatori Nacional për Mbrojtje nga Dhuna në Familje, Florian Dushi, ​mbnjë një takim koordinues në të cilën temë diskutimi do të jetë: "Trajtimi i rasteve të dhunës në familje në kohën e pandemisë". (ish-objekti i Rilindjes, kati IX, salla 914, ora 11:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)

- Fillon java e tretë e programit publik në Festivalin e Arkitekturës në Kosovë. (Drejtperdrejt në faqen facebook-ut të Festivalin e Arkitektures, ora 18:30)