27 Shtator 2022

Studentët e infermierisë shënuan Ditën Ndërkombëtare të Infermierisë

Prishtinë, 12 maj - Fakulteti i Mjekësisë i Universitetit “Fehmi Agani” në Gjakovë, në shënim të 12 Majit - Ditës Ndërkombëtare të Infermierisë organizoi aktivitete të ndryshme me studentët e departamentit të infermierisë, të udhëhequr nga Ass. Arta Dalipi Shabani me bashkëpunëtorë.

Shënimi i Ditës Ndërkombëtare të Infermierisë nisi me prezantimet e punimeve dhe hulumtimeve të studentëve rreth temave për infermierinë.

Më pas, u realizua kuizi i diturisë me studentët e infermierisë të ndarë në tri grupe të viteve të ndryshme, të cilët u vlerësuan nga Komisioni i përbërë nga stafi akademik.

Në vazhdën e aktiviteteve, në shenjë mirënjohje për kontributin e infermierëve, studentët  shpërndanë lule dhe kartolina për infermierët në institucionet shëndetësore të Gjakovës.

Ass. Arta Dalipi Shabani, uroi 12 Majin - Ditën Ndërkombëtare të Infermierisë, dhe në emër të grupit organizues i falënderoi studentët dhe stafin akademik për realizimin e këtyre aktiviteteve, si dhe menaxhmentin e Universitetit “Fehmi Agani” në Gjakovë për mbështetjen e vazhdueshme për Fakultetin e Mjekësisë.

Në emër të Universitetit “Fehmi Agani” në Gjakovë, Prof. Ass. Dr. Artan Nimani uroi infermierët për ditën e tyre. Rektori Nimani e vlerësoi lart kontributin e infermierëve, sidomos në këtë kohë që u përballën me pandeminë globale Covid-19.

Po ashtu, i përgëzoi grupin organizues dhe studentët e departamentit të infermierisë për aktivitetet e realizuara në shënimin e 12 Majit - Ditës Ndërkombëtare të Infermierisë.

Dekani i Fakultetit të Mjekësisë, Prof. Asoc. Dr. Idriz Berisha, theksoi rolin dhe rëndësinë e punës së infermierëve, duke i uruar dhe falënderuar për angazhimin e tyre në sistemet shëndetësore.

Në fund, studentëve dhe grupit organizues iu ndanë certifikata për pjesëmarrje dhe kontribut në shënimin e 12 Majit – Ditës Ndërkombëtare të Infermierisë.

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)