22 Prill 2021

Sot mbahet provimi pranues në UP

Prishtinë, 25 korrik - Sot (e hënë) në pesëmbëdhjetë njësi akademike të Universitetit të Prishtinës (UP) do të mbahet provimi pranues për studentë të rinj. Përveç në Fakultetin e Inxhinierisë Mekanike dhe Fakultetin e Ndërtimtarisë dhe Arkitekturës, ku provimi do të mbahet në orën 13:00, në njësitë e tjera do të fillojë në orën 9:00.

Ndërkaq, provimi pranues për Fakultetin e Mjekësisë dhe Fakultetin Ekonomik do të mbahet më 26 korrik në orën 9:00.
Mbi 17 mijë maturantë kanë aplikuar për t’u pranuar në Universitetin e Prishtinës (UP) në vitin akademik 2011-2012, ndërsa do të pranohen 15 mijë e 423.


Zyrtari për Informim në Rektoratin e UP-së, Isuf Ibërdemaj, ka thënë për Epokën e Re se janë finalizuar të gjitha punët rreth mbajtjes së provimit. “Gjithçka është gati për mbajtjen e provimit. Jemi të bindur se gjithçka do të shkojë mirë dhe sipas parashikimeve tona”, ka thënë Ibërdemaj.


Të gjithë aplikantët nëpërmjet postës elektronike do t’i marrin të gjitha informacionet rreth mbajtjes së provimit si: datën, sallën, orën etj. Gjithashtu, ata “nëpërmjet e-maileve do të njoftohen edhe nëse janë pranuar apo jo në vendin në të cilin kanë konkurruar”, ka shtuar Ibërdemaj.

Të gjithë kandidatët në provim pranues duhet ta kenë me vete lejen e njoftimit, pa të cilën nuk mund t’i nënshtrohen provimit pranues dhe një mjet shkrimi, kurse është e ndaluar hyrja në provim pranues me telefon celular. Shpallja e rezultateve të provimit pranues do të bëhet më 29 korrik.
 

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)