03 Korrik 2020

Sot fillon viti i ri akademik në Kolegjin Ndërkombëtar të Biznesit në Mitrovicë

Mitrovicë, 14 tetor - Shefja e Bashkimit Evropian në Kosovë, Ambasadorja Apostolova, do ta hapë sot vitin e ri akademik në Kolegjin Ndërkombëtar të Biznesit në Mitrovicë.

Ambasadorja Nataliya Apostolova do ta mbajë një ligjëratë në Kolegjin Ndërkombëtar të Biznesit në Mitrovicë (IBCM) sot për ta shënuar fillimin e vitit të ri akademik.

IBCM është një kolegj biznesi me kampuse në Mitrovicën e Veriut dhe Mitrovicën e Jugut, dhe kapacitet për 600 studentë.

ICMB është themeluar me kërkesë të qeverisë për të siguruar arsim të lartë profesional të akredituar ndërkombëtarisht për studentë nga të gjitha komunitetet në Kosovë, duke kontribuar kështu pajtimit, zhvillimit ekonomik dhe punësimit të të rinjve në rajon.

IBCM është plotësisht i licencuar nga Ministria e Arsimit, Shkencës dhe Teknologjisë. Kolegji është akredituar nga agjencia gjermane e akreditimit EVALAG dhe nga Agjencia e Akreditimit e Kosovës.

Diplomat e IBCM-së njihen në tërë BE-në dhe Kolegji ka shkallë të lartë të punësimit të studentëve të vet.

IBCM ofron studime në: 1. Menaxhim Mjedisi dhe Bujqësi; 2. Marketing dhe Menaxhimi / Shitje dhe Marketing Ndërkombëtar; 3. Administratë Publike / Menaxhim të Shërbimit Publik; 4. Menaxhim Ndërkombëtar dhe Udhëheqje.

IBCM-ja mbështetet nga BE-ja, Holanda, Suedia, Gjermania, Mbretëria e Bashkuar, Zvicra dhe Qeveria e Kosovës.

 

Kalendari

Ngjarjet e datës 3 Korrik 2020

- Kryeministri i Republikës së Kosovës, Avdullah Hoti, viziton Republikën e Shqipërisë ku do të zhvillojë takim me kryeministrin Edi Rama. (Pallati i Brigadave në Tiranë, ora 10:00)

- Ministri  i Arsimit dhe Shkencës, Ramë Likaj, viziton Komunën e Deçanit, ku pritet në takim nga kryetari Bashkim Ramosaj. (Salla e Asamblesë Komunale, Deçan, ora 10:00)

- Ambasadori hungarez në Kosovë, Laszlo Markusz, viziton Komunën e Gjakovës. (Ndërtesa e Komunës, ora 10:45)

- Lëvizja FOL organizon konferencë për media, me ç’rast do të publikoj raportin “Pagesat e Vendimeve Gjyqësore nga Komunat - Vitet 2017, 2018, 2019”. (Zyret e Lëvizjes FOL, ora 11:00)

- Kryeministri i Kosovës, Avdullah Hoti dhe Kryeministrit të Shqipërisë, Edi Rama mbajnë konferencë e përbashkët për shtyp. (Pallati i Brigadave në Tiranë, ora 11:15)

- Hapet ekspozita “Ditarët e Depresionit” e realizuar nga Ferdi Limani. (Shtëpia e Evropës në Prishtinë, ora 12:00)

- Banorët e lagjes ”Qendra” protestojnë, të pakënaqur me shërbimet komunale. (Rr.“Rexhep Luci”, ora 12:00)

- Lëvizja Vetëvendosje! mban konferencë për media në të cilën flasin deputetët Arbërie Nagavci dhe Hajrulla Çeku. (Oborri i Kuvendit të Kosovës, ora 13:00)

- Kryeministri i Republikës së Kosovës, Avdullah Hoti takohet me Presidentin e Republikës së Shqipërisë, Ilir Meta. (Presidenca e Shqipërisë, ora 13:10)

- Kryeministri i Republikës së Kosovës, Avdullah Hoti takohet me Kryetarin e Kuvendit të Shqipërisë, Gramoz Ruçi. (Zyra e Kryetarit të Kuvendit, ora 14:00) 

- Komisioni Qendror i Zgjedhjeve mban mbledhjen e radhës. (Selia e KQZ-së, ora 14:00)

- Kryeministri i Republikës së Kosovës, Avdullah Hoti takohet me Kryetarin e Bashkisë së Tiranës, Erion Veliaj. (Zyra e Kryetarit të Bashkisë, ora 14:45)
 
- Kryeministri i Republikës së Kosovës, Avdullah Hoti takohet me Kryetarin e Partisë Demokratike, Lulzim Basha. (Zyra e Kryetarit të PD-së, ora 15:30)