22 Prill 2021

Solemnisht nisi viti i ri akademik në UBT

Prishtinë, 5 tetor - Me një ceremoni solemne të mërkurën është hapur viti i ri akademik 2011/2012  në Universitetin për Biznes dhe Teknologji (UBT). Ceremonia u hap me antonimin e Himnit të Republikës  së Kosovës.

Në ceremoni  morën pjesë,  Presidenti i  UBT-së, Prof. Dr. Edmond Hajrizi, dhe  dekanët e njësive akademike,  profesorët, studentët e rinj si dhe familjarët  e tyre.

Presidenti i UBT-se, Prof. Dr. Edmond Hajrizi, u ka dëshiruar mirëseardhje studenteve te rinj në botën akademike universitare, duke shprehur bindjen se ata që nga dita e parë do të angazhohen me intensitet të plotë për të nxënë dijet e reja, rrugë në të cilën UBT do t’i ndihmoj me te gjitha kapacitetet e tij.

Me këtë rast Presidenti i UBT-së, z. Hajrizi i ka prezantuar të arriturat dhe planet për të ardhmen e  Universiteti  duke e cekur ngritjen e UBT-së  në të gjitha sektorët e veçanërisht atë të  cilësisë në studime dhe krijimin e kushteve brenda UBT-së.

Po ashtu studentëve u uroj  suksese në të ardhmen dhe kërkoi nga ta dhe nga stafi akademik angazhim dhe punë konkrete.

Një fjalë  rasti në këtë ceremoni, ndërlidhur me punën hulumtuese dhe studimore dhe
rezultatet e arritura  në UBT, e ka mbajtur edhe Drejtori për çështje akademike Dr. Binak Beqaj.

Në ceremoninë e pritjes së studentëve të rinj me një fjalë  u paraqitën  edhe dekanët e të gjitha Fakulteteve të UBT-së. 

Ata përkujtuan se në  këtë vit të ri akademik 2011/2012 në UBT ka rritje të programeve akademike dhe po ashtu për studimet  në këto njësi janë përcaktuar një numër i madh i studenteve të rinj krahasuar me vitin e kaluar, dhe  me ta do punojnë një numër i madh profesorësh vendore e ndërkombëtare, eksperte të fakulteteve të përzgjedhura, ndërkohë që studentet do te kenë në dispozicion salla, kompjuter, laboratorët etj. 

Po kështu, si një faktor shumë pozitiv, u  përmendën edhe marrëveshjet e bashkëpunimit  me universitete më prestigjioze në botë dhe Evropë, dhe lëvizjen e studentëve në këto universitete për vazhdimin e studimeve të mëtutjeshme  dhe  njohja e diplomave ndërkombëtarisht,  dhe bashkëpunimin me kompanitë më të rëndësishme në vend dhe më gjerë , që studentëve do të mundësojnë zhvillimin në nivel sa më të mirë të punës praktike dhe punësimit të mëtutjeshëm .

 

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)