30 Janar 2023

Skenderaj dhe Malisheva me shkolla profesionale

Prishtinë, 27 qershor - Dy qendrat e para të kompetencës në Kosovë do të hapen zyrtarisht të martën. Shkollat në Malishevë dhe Skenderaj, të financuara nga Ministria e Punëve të Jashtme e Norvegjisë dhe Ministria e Arsimit, Shkencës dhe Teknologjisë së Kosovës vlerësohen të jenë më modernet në gjithë rajonin.

Po ashtu planprogrami, pajisjet dhe dizajni i ndërtesave i përmbushin standardet më të larta evropiane.

“Planprogrami është zhvilluar në koordinim me institucione dhe konsulentë vendor e ndërkombëtar, përderisa mësimdhënësit janë trajnuar dhe vazhdojnë të trajnohen në Norvegji. Me këtë sigurohet se nxënësit të cilët përfundojnë këtë shkollë kanë aftësi të cilat i bëjnë të punësueshëm Kosovë, por edhe në Evropë”, thuhet në njoftim.

“Shkollat janë një mundësi e re për të rinjtë”, ka thënë ambasadori norvegjez në Kosovë, Sverre Johan Kvale përmes një deklarate për media.

“Ato janë një shtesë e mirë në arsimin në Kosovë dhe profesionistët e rinj do të krijojnë një bazë të fortë për zhvillimin ekonomik të vendit”, tha ai.

Shkolla në Skenderaj do të trajnojë punëtorë të aftësuar në industrinë e ndërtimtarisë, përderisa ajo në Malishevë do të trajnojë profesionistë në fushën e ekonomisë, administratës dhe tregtisë.

Këto institucione të kualitetit të lartë përfaqësojnë një qasje të re në arsimin dhe aftësimin profesional në Kosovë dhe janë në pajtim më Planin Strategjik për Arsimin në Kosovë. Ky projekt është zbatuar nga International Management Group (IMG).

Kostoja e përgjithshme është 14.7 milionë euro. 13.5 milionë euro janë siguruar nga Ministria e Punëve të Jashtme e Norvegjisë, ndërkaq 1.2 milion euro nga Ministria e Arsimit, Shkencës dhe Teknologjisë së Kosovës.

Komunat përkatëse kanë siguruar tokën dhe infrastrukturën e nevojshme.  

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)