12 Nëntor 2019

Semestri 300 euro i papërballueshëm për studentët

Prishtinë, 22 prill - Studentët e departamentit të sociologjisë (niveli master) të Universitetit të Prishtinës, kërkojnë nga Ministria e Arsimit dhe nga Rektorati që të zbritet pagesa për semestër nga 300 në 200 euro.

Në kërkesën studentëve të sociologjisë thuhet se pagesa e semestrit në shumën prej 300 eurove është e papërballueshme për studentët duke marrë parasysh gjendjen e rëndë socio-ekonomike në vend.

Kësaj kërkese i janë bashkangjitur edhe një peticion me 130 nënshkrimet e studentëve të departamentit të sociologjisë.

“Ne studentët e Departamentit të Sociologjisë, kërkojmë nga Ministria e Arsimit dhe nga Rektorati i Universitetit të Prishtinës të zbresë çmimin e pagesës për semestër, në nivelin Master, nga 300 në 200 euro.\"

Obligimet universitare për pagesën e semestrit prej 300 eurosh (niveli Master) janë të papërballueshme për t’u mbuluar nga shumica e studentëve.

Numri i studentëve që është planifikuar të pranohen në nivelin Master për këtë vit akademik (2010/2011), në shumë fakultete dhe veçanërisht në Departamentin e Sociologjisë, është dyfishuar, gjë që sadopak i kontribuon shtimit të ardhurave të Universitetit të Prishtinës, me të cilat do të sigurohen të hyra të mjaftueshme të shpenzimeve universitare, mungesa e të cilave do të mund ta arsyetonte çmimin aktual të pagesës.

\"Zbritja e çmimit të semestrit, studentëve do t’ua lehtësonte studimet. Shpresojmë që kërkesa jonë të hasë në mirëkuptimin tuaj dhe të shqyrtohet seriozisht”, thuhet në komunikatën për medie të lëshuar nga studentët e departamentit të sociologjisë. 

Kalendari

Ngjarjet e datës 12 nëntor 2019 - Mbahet takimi vjetor i ministrave të Bujqësisë së vendeve të Evropës Juglindore me c'rast  Ministria e Bujqësisë, Pylltarisë dhe Zhvillimit Rural e Republikës së Kosovës, do të marrë edhe presidencën për udhëheqjen e Grupit Drejtues të Punës për Zhvillimin Rural Rajonal në Evropën Juglindore për një vit. (Hotel Emerald, ora 9:00)

- Universiteti i Shkencave të Aplikuara në Ferizaj në bashkëpunim me Universitetin e Shkencave të Aplikuara në Salzburg, organizon Konferencën Ndërkombëtare “Bashkëpunimi Universitet – Industri në Inovacion”. (Lokalet e Universitetit  të Shkencave të Aplikuara në Ferizaj. ora 9:00)

- Mahet takimi i 174-të i Këshillit Prokurorial të Kosovës. (Ojekti i Prokurorisë së Shtetit, ora 10:00)

- Zyra Kombëtare e Auditimit bën prezantimin e raportit të auditimit të performancës “Sistemi i kontrollit dhe monitorimit të cilësisë së derivateve të naftës”. (Salla e konferencave “Orion”, ora 10:00)

- Oda e Afarizmit të Kosovës organizon konferencë për media lidhur me pProblemet e bizneseve me bankat komerciale. (Zyret e OAK-së, ora 11:00)

- Lansohet projekti 'Subvencionet për Efiçiencë të Energjisë në Kosovë' të mbështetur nga MCC dhe MFK i cili synon të ofrojë stimuj financiarë dhe teknik për sektorin residencial që mundësojnë investime në masat e efiçencës së energjisë, si dhe të mbështesë gratë ndërmarrëse në energji dhe sektorë të tjerë. (Hoteli Swiss Diamond, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green i cili po  qëndron në Kosovë do të marrë pjesë në lançimin e pilot projektit Nxitjet e Efiçencës Energjetike i cili implementohet nga Fondacioni Milenium Kosova dhe financohet nga Korporata e Sfidave të Mijëvjeçarit në bazë të Marrëveshjes “Threshold” të MCC-së në Kosovë. (Hoteli Swiss Diamond, ora 11:00)

- Organizata për Rritjen e Cilësisë në Arsim publikon raportin “Borgjezia” e Akademisë, ku do të paraqitet hulumtimi mbi të ardhurat e stafit akademik menaxherial në universitetet publike të Kosovës. (Para objektit të Qeverisë së Kosovës, në sheshin Skënderbeu, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green do të kalojë kohë edhe me të rinjtë me rastin e lançimit të platformës së internetit “Të Rinjtë Prijnë” për t’u krijuar mundësi bartësve të rinj të ndryshimeve të lidhen me rrjete të të rinjve me interesime të ngjashme, mentorë, resurse dhe ngjarje të ndryshme. (Qendra e Rinisë, salla atele, përballë Sallës së Kuqe, ora 15:00) 

- Zhvillohet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- OSBE organizon shfaqjen premierë të dokumentarit “Above the Fold” i cili ofron një tregim narrativ të vështirësive me të cilat përballen gazetarët në sjelljen e informacionit në publik. (Kino ABC, ora 19:00)