25 Shkurt 2020

SBASHK përgatitet për të shënuar 7 Marsin

Prishtinë, 6 mars - Me qëllim të kremtimit sa më dinjitoz  të 7 Marsit, kësaj  dite të madhe për arsimin shqip, SBASHK-u do të zhvillojë një varg aktivitetesh tematike e kulturore.

Një aktivitet i veçantë është ai që do të organizohet nëpër të gjitha komunat e Kosovës në shenjë respekti për mësimdhënësit që janë pensionuar nga janari i vitit 2011 e deri në marsin e këtij viti.
 
SBASHK-u  të 492 mësimdhënësve të pensionuar gjatë kësaj etape kohore do t’u dhurojë nga një orë dhe nga një mirënjohje në shenjë respekti për punën e madhe që kanë bërë ata në dekadat e kaluara duke arsimuar e edukuar  gjeneratat.

Kjo ide domethënëse ka ardhur në Kryesinë e SBASH-ut nga disa kryetarë të Sindikatave të arsimit nga komunat  dhe ka gjetur mbështetje nga organet qendrore të kësaj Sindikate.

Është një përkushtim i përbashkët se këto takime me mësimdhënësit pensionistë të kalojnë në një frymë solemne  me shpalosjen e kujtimeve për ditët e mëdha të arsimit shqip, për njerëzit e tij që mbrojtën shkollën dhe gjuhën tonë  në vitet e rënda të okupimit, por edhe në vitet e lirisë kur po bëhen përpjekje të vazhdueshme që bashkë e përmes organizimit  në SBASHK të krijohen kushte edhe më të mira e për një arsim  sa më cilësor.

Këto Manifestime festive do të stolisen edhe me programe të zgjedhura kulturore.  Ky aktivitet respekti për punën e madhe arsimore të mësimdhënësve pensionistë do të bëhet tradicional.

  

Kalendari

Ngjarjet e datës 25 shkurt 2020 - Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00) 

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)