12 Gusht 2020

SBASHK: Kontratat e punës të jenë unike në gjithë Kosovën

Prishtinë, 23 gusht - Këshilli i përgjithshëm i Sindikata e Bashkuar e Arsimit, Shkencës dhe Kulturës (SBASHK) ka mbajtur mbledhjen e  rregullt duke debatuar për çështje  me rëndësi  nga sfera e arsimit.

Kërkohet që Kontratat e punës të jenë unike në gjithë territorin e shtetit tonë dhe të nënshkruhen për punëtorët e kualifikuar në afatin 5 vjeçar, që është identik edhe me afatin e licencimit.

 SBASHK-u fton anëtarësinë e saj që t’i përmbahen këtij vendimi të Këshillit të Përgjithshëm. Nga ky takim SBASHK-u  kërkon nga MASHT-i që  të këshillohet me DAK-të  në zbatimin  e Ligjit për Arsimin Parauniversitar (Neni 33 , alineja 7) dhe Urdhëresës Administrative për Licencimin e mësimdhënësve  të vitit 2010 (Neni 6, 7 ,10 )

Këshilli i Përgjithshëm  ka kërkuar që të intensifikohet puna e grupeve të negocimit MASHT- SBASHK  ne harmonizimin e tekstit te  Kontratës Kolektive për nënshkrim në afatin më të shkurtër të mundshëm.

Po ashtu  është vendosur të intensifikohen takimet me MASHT dhe të punohet në krijimin e mundësive për mbrojtjen e   pagave nga inflacioni. Këshilli i përgjithshëm ka vlerësuar se disa nga çështjet e biseduara me MASHT-in ende nuk kanë gjetur zbatim dhe prandaj kërkon që  të shtohen angazhimet në realizimin e tyre.

SBASHK-u në takimin e Këshillit të Përgjithshëm ka debatuar edhe lidhur me veprimin e pa toleruar të institucioneve arsimore në komunën e Gjilanit lidhur me konkurrentët për vende pune në arsim  që t’i nënshtrohen para intervistimit edhe provimit të ashtuquajtur kualifikues në lëndët gjuhë shqipe dhe letërsi dhe matematikë.

SBASHK-u konsideron se ky veprim si i tillë është i vetmi në Kosovë dhe është bërë jashtë normave dhe ligjeve pozitive. I motivon kërkuesit e punës qe t’i drejtohen Gjykatës për korrigjimin e kësaj parregullsie

Këshilli  i Përgjithshëm përgëzon mësimdhënësit për përkushtimin e tyre në arsim dhe Ju uron fillim të mbarë të vitit të ri shkollor.

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)