27 Shtator 2022

ROR dënon dhunën në shkolla, kërkon veprim nga institucionet

Prishtinë, 17 maj - “Një ngjarje skandaloze ka ndodhur gjatë të martës së kaluar në shkollën “Faik Konica” në Prishtinë.

Në oborrin e kësaj shkolle disa nxënëse të klasës së shtatë, ngacmojnë seksualisht një vajzë të po kësaj shkolle të klasës së parë.”

Lajme të tilla që kanë qarkulluar ditëve te fundit ne rrjete sociale, media dhe me gjere na kane shqetësuar jashtë mase neve si anëtarë të grupit “Respect Our Rights” (ROR).

Kjo ngjarje nuk është e para qe po ndodh e nuk do te jete as e fundit deri sa nuk merren masa vetëdijesuese e ndëshkuese.

''Ne si grup monitorues i të drejtave të fëmijës që përfaqësojmë zërin e fëmijëve të Republikës së Kosovës, ju drejtohemi te gjithëve, të bashkohemi për te ndalur një here e mirë dukuritë negative si dhuna fizike, psikologjike e seksuale tek të miturit'', thekson ROR.

ROR po ashtu fton drejtoreshën e shkollës në fjalë, që të merren me çështjet qe po ndodhin brenda shkollës dhe të mos i mbuloni këto raste alarmante.

Udhëheqësit e shkollës sipas ROR duhet të kenë më shumë mbikëqyrje dhe të krijoj mekanizma te ndryshëm mbrojtës duke mundësuar vetëdijesimin e fëmijëve për të ndaluar dhunën në të gjitha format e saj.

''Kërkojmë që vajzës 5 vjeqare, t’i ofrohen shërbime psikologjike për një periudhë më të gjatë kohore. Ndërsa djemt, të i nënshtrohen riedukimit!''

''Të nderuar prindër, edukoni fëmijët tuaj të kenë dashuri, mirësjellje dhe respekt ndaj njeri-tjetrit. Ekspozimi i tyre ndaj dhunës mund të sjellë pasoja gjatë tërë jetës së tyre.''

''Të dashur fëmijë, ju njoftojmë se ngacmimet verbale, fizike, seksuale janë vepra të dënueshme me ligj.! Një sjellje e juaj që mund të ju duket e vogël, ka dëme tmerrësisht të mëdha!'', deklaron ROR.

ROR po ashtu i benë thirrje, institucionit të  Policisë së Kosovës, që patrullat dhe kontrollet rreth ambienteve shkollore të jenë sa më të shpeshta. Kjo mund të krijoj një ambient më të sigurt për të gjithë fëmijët.  

''Iu lutemi mediave dhe portaleve të ndryshme që të kenë shumë kujdes dhe mos të publikojnë fotografi te fëmijëve nen moshën 18 vjeçare pa lejen e prindit/kujdestarit te tyre si dhe të mos publikojnë informata personale që mund të cenoj privatësinë e tyre.''

''Bëjmë thirrje që të gjithë qytetarët të raportojnë rastet e ngacmimit, dhunës, abuzimit që i hasin duke kërkuar llogari nga vendimmarrësit!'', thot ROR.

Grupi i fëmijëve “Respect Our Rights” (ROR) është themeluar ne vitin 2014 me mbështetjen e Save the Children dhe Syri i Vizionit dhe që atëherë punon në mbrojtje të të drejtave të fëmijëve.

''Ne jemi këtu që t’iu ndihmojmë secilit fëmijë pa dallim dhe do te sigurohemi që të adresojmë të gjitha rastet në ne institucionet përkatëse duke u siguruar se po merren masat e duhura!'', nenvizon në fund ROR.
 

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)