13 Gusht 2020

Rifillon programi i komunikimit për nxënësit e shkollave të mesme

Prishtinë, 18 tetor - Programi i Tribunalit për Komunikim dhe Ndërgjegjësim nisi sot një cikël të ri të paraqitjes së suksesshme të ligjëratave të veta në shkollat e mesme të Kosovës për vitin shkollor 2010 – 2011.

Programi i mbështetur prej Ministrisë së Arsimit, Shkencës dhe Teknologjisë së Kosovës, përfshin një sërë ligjëratash në 15 shkolla të mesme(gjimnaze) gjatë semestrit vjeshtor dhe dimëror të vitit shkollor si pjesë e lëndës Edukimi Qytetar.   

Janë hartuar ilustrime mediale që u paraqesin nxënësve të vitit të katërt punën e Tribunalit dhe sukseset e tij në nxjerrjen para drejtësisë të fajtorëve më të mëdhenj për krimet e luftës të kryera në Ballkan gjatë viteve ’90. Gjithashtu nxënësit do të mësojnë për kontributin e Tribunalit në lidhje me vërtetimin e fakteve dhe jetësimin e drejtësisë pas konfliktit në rajonin e tyre.

Në këtë cikël ligjëratash një përfaqësues i Qendrës për Të Drejtën Humanitare në Kosovë në bashkëpunim me Programin për Komunikim dhe Ndërgjegjësim, do të paraqesë informacion nga Libri i Kujtesës i cili është një katalog të dhënash i hartuar prej kësaj organizate joqeveritare që përfshin të dhëna për të gjitha viktimat e konfliktit në Kosovë.

Ligjërata për shkollat e mesme janë mbajtur më parë gjatë viteve shkollor 2006 – 2007 dhe 2008-2009 ku mbi 1200 nxënës të më shumë se 35 shkollave të mesme mësuan për punën e Tribunalit.

Tribunali është i përkushtuar në dhënien fund të mosndëshkimit dhe fuqizimin e respektit për shtetin ligjor, faktor me rëndësi jetike për ndërtimin e shoqërisë bashkëkohore dhe për përhapjen e këtyre vlerave veçanërisht midis brezit të ri kosovar.

Duke qenë se TPNJ-ja është drejt përmbylljes së mandatit të vet, Programi për Komunikim dhe Ndërgjegjësim po e dendëson veprimtarinë informuese në mënyrë që njerëzit në rajon të informohen dhe zgjerojnë dijenitë në lidhje me punën dhe arritjet e shumta të Tribunalit. Në këtë mënyrë Programi për Komunikim dhe Ndërgjegjësim synon të rrënjosë trashëgiminë e Tribunalit anembanë rajonit të ish-Jugosllavisë.

I iniciuar dhe zhvilluar prej Tribunalit, Programi për Komunikim dhe Ndërgjegjësim shënoi përvjetorin e dhjetë vitin e shkuar. Programi është mbështetur nga Komisioni Evropian.
 

Kalendari

Ngjarjet e datës 13 Gusht 2020

- Komandanti i Forcës së Sigurisë së Kosovës, Gjenerallejtënant Rrahman Rama raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N10, ora 9:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 10:00)

- Ministrja e Kulturës, Rinisë dhe Sportit, Vlora Dumoshi, viziton Komunën e Deçanit. (Objekti i Komunës se Deçanit, ora 10:00)

- Ministri i Infrastrukturës, Arban Abrashi, do të nënshkruaj memorandum bashkëpunimi për financimin e projekteve infrastrukturore me kryetarin e komunës së Istogut, Haki Rugova. (Komuna e Istogut, ora 10:00)

- Policia e Kosovës organizon ceremoninë e prerjes së shiritit të objektit të Stacionit Policor për Mbikëqyrje të Kufirit në Radavc ku pjesëmarrës do të jenë Drejtori i Përgjithshëm i PK-së, përfaqësues të ICITAP-it Amerikan dhe personalitete të larta vendore, përfshirë epror të PK-së. (Radavc, rruga Vitomiricë - Kullë, ora 11:00)                                              

- Drejtoria e Shëndetësisë e Komunës së Prizrenit do të bëjë hapjen e pjesës së renovuar të QKMF-së, ku do të punojë ndërrimi i tretë ku i pranishëm do të jetë kryetari i Komunës së Prizrenit, Mytaher Haskuka dhe drejtoresha e DSH-së, Narqize Arënliu Hoxhaj. (QKMF në Prizren, ora 12:00)