01 Tetor 2020

Projekti “Interkulturalizmi dhe Procesi i Bolonjës” i suksseshëm

Prishtinë, 16 nëntor - Në Prishtinë sot është mbajtur konferenca përmbyllëse e projektit “Interkulturalizmi dhe Procesi i Bolonjës”(IPB), projekt që është bashkëfinancuar nga Komisioni Evropian dhe Këshilli i Evropës, dhe implementuar nga Këshilli i Evropës dhe Ministria e Arsiumit Shkencës dhe Teknologjisë.
 
Me këtë rast u prezantuan të arriturat e projektit, sfidat, përspektivën e arsimit në Kosovë në kontekst të Interkulturalizmit dhe Procesit të Bolonjës ndërkohë që nga tre grupet punuese pritet të dalin edhe konkluzionet për nevojat eventuale për mbështetje të mëtutjeshme në fushat e arsimit kosovar.

Zëvendësministri i Arsimit, Nehat Mustafa, ka falënderuar përfaqësuesit e Këshillit të Evropës dhe të Komisionit Evropian për projektin e suksesshëm IPB, i cili ofroi praktikat më të mira në procesin e reformave në arsim.

“Republika e Kosovës është në kulmin e procesit të reformës së arsimit, prandaj ky projekt përveç asistencës financiare, na ofroi shembujt e praktikave të mira nga Evropa, mundësinë për të diskutuar idetë tona me disa kolegë shumë të rëndësishëm nga vendet tjera dhe mbi të gjitha të shikojmë mundësitë që këto ide t’i bëjmë realitet në shtetin tonë. Falë këtij projekti, Ministria e Arsimit ka ofruar trajnime për të gjithë mësimdhënësit e lëndës së Edukatës Qytetare dhe të drejtorëve të shkollave në nivel të shkollës fillore në Kosovë.\"

\"Në shtator të këtij viti ne kemi përfunduar trajnimin e grupit të fundit të më shumë se 1.200 mësimdhënësve dhe drejtorëve të shkollave që janë certifikuar në përputhje me një program të akredituar zyrtarisht nga Këshilli Shtetëror për Licencimin e Mësimdhënësve të MASHT-it”, ka thënë zëvendësministri Mustafa.

Zëvendësministri Mustafa përmendi edhe hartimin e legjislacionit arsimor, hartimin e “Manualit për mësim të lëndës së historisë Kosovë” , Fushatën e suksesëshme “Dosta” , trajnimin e ndërmjetësuesve rom në shkolla, hartimin e fletëve të historisë së vërtetë për romët, ashkalinjtë dhe egjiptianët, përfshirjen e këtij komuniteteve pakicë në arsimin e përgjithshëm të Kosovës etj.

Mevlin Asin, Zyra Ndërlidhëse e Komisionit Evropian, foli për kontributin e KE –së në modernizimin e arsimit në Kosovë, reformat, gjithëpërfshirjen ne arsim, arsimimin e komunitetve pakicë, procesin e Bolonjës si një ndër proceset më të rëndësishme në Evropën bashkëkohore, për trajnimet e mesimdhënësve për Edukatën Qytetare hartimin e legjislacionit të arsimit, hartimin e Manualit për mësimin e historisë moderne të Kosovës etj .

Ndërkaq, Sarah Keating-Chetëynd, Udhëheqëse e Sektorit për bashkëpunim bilateral dhe rajonal të Këshillit të Evropës - Strazburg me Evropën Juglindore tha të jetë e kënaqur se kosovarët janë të gatshëm që të marrin përvojat më të mira të të tjerëve, por, sipas saj, edhe Kosova ka ekspertë të mirë në fusha të ndryshme arsimore.

Ndryshe, në këtë konferencë gjithashtu u tha se Kosova, por edhe Evropa kanë sfida të mëdha para vetes në kuptim të krijimit të një sistemi modern e të qëndrueshëm arsimor, për të shtuar se duhet që në vazhdimësi të trajnohemi, të shikojmë se çfarë kualifikmesh kemi, të harmonizojmë ato më vendet e tjera, t’i njohim reciprokisht diplomat , por të shikohet edhe se si zhvillohet kurrikula e ri, rezultatet - performanca.

Kalendari

Ngjarjet e datës 1 Tetor 2020  - Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Mbahet seanca gjyqësore kundër Faik Grainca për keqpërdorim të pozitës apo i autoritetit zyrtar nga neni 422 paragrafi 1 të KPRK. (Gjykata Themelore në Ferizaj, salla nr.3, ora 9:30)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Lëvizja Vetëvendosje mban konferencë për media. (Zyret e LV-së në Arbëri, ora 12:00)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Ministria e Arsimit dhe Shkencës dhe Volontari nel Mondo-RTM “Aleanca Për Zhvillimin e Edukimit Parashkollor në Kosovë” nënshkruajnë Marrëveshje Bashkëpunimi. (Ambientet e Ministrisë së Arsimit, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)

- Global Albanian Gastronomy Festival së bashku me Theranda Wine organizon një darkë për prezantimin e kuzhinës moderne dhe degustimin e verërave shqiptare në vreshtat e  verarisë AgroKosova Holding. (Vreshtat e verarisë Theranda në Shirokë, Therandë, ora 17:00)