18 Maj 2022

Profesori Arben Sahiti renditet si shkencëtari më i mirë i Universitetit të Gjilanit

Gjilan, 15 dhjetor - Profesori i Fakultetit Ekonomik në Universitetin Publik “Kadri Zeka” në Gjilan, Prof. Ass. Dr. Arben Sahiti, është renditur si shkencëtari më i mirë në UKZ për vitin 2021, sipas AD Scientific Index.

Renditja që del nga ky indeks e vendos profesorin Arben Sahitin në mesin e shkencëtarëve më me ndikim në Republikën e Kosovës jo vetëm nga fusha e Ekonomisë, por nga të gjitha disiplinat shkencore.

Sipas Prof. Ass. Dr. Arben Sahiti  kjo e arritur është falë punës së vazhdueshme të tij dhe falë promovimit të hulumtimeve shkencor të UKZ-së: ‘’Ky sukses është rezultat i përkushtimit të pashoq dhe punës kërkimore, si dhe mbështetjes së vazhdueshme të Universitetit ‘’Kadri Zeka’’ të Gjilanit përmes politikave akademike që janë dizajnuar për të promovuar hulumtimin shkencor në mesin e stafit akademik’’, ka thënë profesori Sahiti.

Lista e shkencëtarëve më me ndikim në botë është përgatitur gjatë një studim të kryer nga një ekip profesorësh të Universitetit Stanford, që përfshin një renditje prej 7 milionë shkencëtarësh nga e gjithë bota, në të cilën janë të përmbledhura 22 fusha dhe 176 nën-fusha studimi.

Renditja e shkencëtarëve më me ndikim në botë për vitin 2021 është rezultat i një analize gjithëpërfshirëse, për përpilimin e së cilës janë analizuar një numër i madh treguesish, siç janë numri i përgjithshëm i punimeve shkencore të publikuara, citimet, citimet e indeksit- h, citimet e indeksit- i10, vitet e kaluara nga puna e parë shkencore e botuar nga shkencëtarët, si dhe ndikimi i përgjithshëm i shkencëtarëve në fushën përkatëse të hulumtimit shkencor.

Ndryshe, Profesori Arben Sahiti është Profesor i Asistent në Fakultetin Ekonomik, në fushën e Financave dhe Kontabilitetit në Universitetin Publik “Kadri Zeka”.

Ai është autor dhe bashkautorë i një numri të madh të publikimeve shkencore të botuara në revistat prestigjioze në indeksuar në databazat kredibile duke përshirë Scopus dhe Web of Science, po ashtu ka marrë pjesë në një numër të konsiderueshëm të konferencave  shkencore ku ka prezantuar publikimet e tij   edhe  në vende të ndryshme të Evropës. 

Kalendari

Ngjarjet e datës 18 maj 2022 - Drejtori i Agjencisë së Kosovës për Inteligjencë, Petrit Ajeti raporton para Komisionit për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N302, ora 9:00)

- Presidentja e Republikës së Kosovës, Vjosa Osmani Sadriu pret me nderimet më të larta shtetërore për vizitë zyrtare Presidentin e Malit të Zi, Milo Đukanović. (Sheshi “Ibrahim Rugova”, ora 10:00 - Mediat duhet të jenë në ndërtesën e Kuvendit më së voni deri në orën 9:20)

- Mbahet dita e dytë e konferencës së përbashkët profesionale ndërmjet Gjykatës Kushtetuese dhe Gjykatës Supreme të Republikës së Kosovës, me Gjykatën Kushtetuese dhe Gjykatën e Lartë të Republikës së Shqipërisë. (Hotel Emerald, ora 9:30)

- Me rastin e Ditës Ndërkombëtare të Muzeve, në do të organizohet punëtoria për Programin Kombëtar të muzeve në Kosovë. (Lapidariumi i Muzeut Kombëtar të Kosovës, ora 9:45)

- Ne kuadër të Thirrjes së Parë Publike për Organizatat e Shoqërisë Civile për Dorëzimin e Projekt Propozimeve në Programin ReLOaD2, Komuna e Istogut organizon sesionin e parë informues dhe trajnimin dy ditor mbi ‘Menaxhimin e Ciklit të Projektit’. (Salla e konferencave të Shtëpisë se Kulturës ‘Mensur Zyberaj’ në Rahovec, ora 10:00)

- Trupi Gjykues II i Dhomave të Specializuara të Kosovës shpall aktgjykimin në çështjen Prokurori i Specializuar kundër Hysni Gucatit dhe Nasim Haradinajt. (Hagë dhe në https:// https://www.scp-ks.org/sq/transmetim, ora 10:00)

- Departameni i Gjuhës dhe Letërsisë Gjermane në Universitetin e Prizrenit hap dyert për tu informuar rreth studimeve të gjuhës gjermane. (Universiteti i Prizrenit, ora 10:30)

- Lëvizja FOL organizon forumin “FOL Hapur për Sundimin e Ligjit në Kosovë” me ambasadorin e Shteteve të Bashkuara të Amerikës, Jeffrey M. Hovenier si dhe Ministrja e Drejtësisë znj. Albulena Haxhiu. (Holli i Bibliotekës Kombëtare të Kosovës, ora 11:00)

- Kryetari i Kuvendit të Republikës së Kosovës, Glauk Konjufca, pret në takim presidentin e Malit të Zi, Milo Gjukanoviq. (Kabineti i kryetarit, ora 12:25 - mediat mund të marrin pamje në fillim të takimit)

- Presidenti i Malit të Zi, Milo Gjukanovic, do të vizitojë Komunën e Prishtinës me ç’ rast Kryetari i Kryeqytetit, Përparim Rama do t’i dhurojë “Çelësin e Qytetit”. (Ndërtesa e vjetër të Komunës, ora 15:00)

- Kuvendi Komunal në Istog mban mbledhjen solemne për nder të vizitës së Zëvendësministrit të Ministrisë së Punëve të Jashtme të Republikës së Çekisë, Martin Dvorak. (Kuvendi Komunal i Istogut, ora 15:30)

- “Celebrating Kosovo’s Trustbuilders” prezenton interface-in e ri te plaformës Kosovo Trustbuilding Platofrm si dhe festimin e me shumë se tre viteve të arritjeve në avancimin e Agjendës së Ndërtimit të Besimit ne Kosove duke ndare histori frymëzuese dhe pozitive te individeve te ndryshem nga perkatesi te ndryshme etnike ne Kosove. (Hotel Emerald, ora 18:00)

- Shënohet Dita Ndërkombëtare e Muzeve me temën “The Power of Museums - Fuqia e Muzeve”. (Lapidariumi i Muzeut Kombëtar të Kosovës, ora 19:00)