21 Prill 2021

Prezantohet programi i magjistraturës lëmin e juridikut

Prishtinë, 18 tetor - Për të zhvilluar një kuadër të shkathtë të profesionistëve që do të ishin të aftë të adresojnë nevojat e komunitetit të biznesit, Universiteti i Prishtinës, Fakulteti Juridik dhe Programi i USAID-it Sistemi për Përmbarimin e Vendimeve dhe Marrëveshjeve në Kosovë, nënshkruan sot marrëveshjen e mirëkuptimit për të zhvilluar Programin e Magjistraturës (LL.M.) në lëmin e kontraktimit dhe të drejtës komerciale.

Nënshkrimi i kësaj marrëveshje u përcoll nga Ministri i Arsimit, Enver Hoxhaj, Pro Rektor Bajram Berisha, Dekani i Fakultetit Juridik, Bajram Ukaj, i cili nënshkroi marrëveshjen në emër të Fakultetit Juridik, dhe Ushtruesja e Detyrës së Drejtores së Misionit të USAID-it Azza El Abd, e cila ishte dëshmitare e nënshkrimit të Marrëveshjes së Mirëkuptimit.
 
Znj. El Abd theksoi se “Ceremonia e sotme shënon një hap tjetër të rëndësishëm; krijimi i kushteve për trajnimin e kuadrove profesionale juridike të cilët do të ndihmojnë sektorit privat si dhe institucioneve publike të Kosovës, gjë që do të zhvillon një mjedis të përshtatshëm komercial që do të pasqyron praktikat evropiane dhe globale të biznesit.”

Themelimi i një programi të tillë të Magjistraturës në të drejtën komerciale don të thotë zhvillimin e shkathtësive të studentëve në hartimin e kontratave dhe dokumenteve tjera ligjore për transaksione komerciale.

Qëllimi i kësaj ceremonie të nënshkrimit të marrëveshjes ishte që formalisht të filloj bashkëpunimi mes Universitetit të Prishtinës, Fakultetit Juridik dhe Programit të USAID-it Sistemi për Përmbarimin e Vendimeve dhe Marrëveshjeve, në mënyrë që të zhvilloj, themeloj dhe të prezantoj Programin e Magjistraturës (LL.M.) në lëmin e kontraktimit dhe të drejtës komerciale.

SEAD ofron kurrikulën (plan program mësimor), bashkë-mësimdhënie me ekspertët nga Kosova dhe ShBA-të, përkrahje bibliotekës, mësim nga distanca përmes lidhjes me universitetet e ShBA-së dhe të BE-së për profesorët dhe studentët, si dhe material përkrahës për profesorë.

 
 

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)