11 Korrik 2020

ORCA kundër fjalimit të kryetarit të PDK-së në përvjetorin e UP-së

Prishtinë, 15 shkurt - Organizata për rritjen e cilësisë në arsim (ORCA) ka ndjekur ceremoninë e organizuar për përvjetorin e 49-të të Universitetit të Prishtinës.

 Në këtë ceremoni ka marrë pjesë edhe kryetari i Partisë Demokratike të Kosovës, njëkohësisht dhe kryetari i kuvendit të Kosovës, Kadri Veseli.

ORCA kundërshton praninë dhe fjalën e Kadri Veseli në ceremoninë e organizuar për përvjetorin e UP-së.

Në asnjë protokoll dhe logjikë të menduar Veseli sipas ORCA-se nuk i takon fjala në një ceremoni të tillë.

"Ne i bëjmë thirrje Rektorit, i cili ka qenë pjesë e listave të PDK-së në zgjedhjet nacionale, që të mos vazhdojë të sillet si kandidat i PDK-së në zgjedhje, por si një Rektor i një institucioni autonom arsimor", thekson ORCA.

ORCA ia rikujton Rektorit se garanca për vazhdimin e mandatit të tij deri në fund nuk buron nga PDK, por nga zbatimi me përpikëri i Statutit të UP-së dhe dispozitave të tjera ligjore në fuqi.

Në të kundërtën sipas ORCA flirtimet e tilla me partitë në pushtet mund të rezultojnë në situata të vitit 2014, kur një paraardhës i tij ishte detyruar të jepte dorëheqje ndonëse e kishte përkrahjen e partisë me të cilën po flirton Rektori sot.

 

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)