19 Nëntor 2018

Operacioni “Vreshtat” demaskon revistën mashtruese

Prishtinë, 14 shtator - ORCA për një kohë të gjatë ka luftuar me vendosmëri për integritet akademik në Universitetin e Prishtinës e sidomos kundër revistave të dyshimta të cilat kanë cënuar rëndë shkencën dhe jetën akademike, jo vetëm në Kosovë por në botën mbarë.

Me gjithë përpjekjet e ORCA-s, Ministrisë së Arsimit dhe vet Universitetit të Prishtinës për të përcaktuar rregulla dhe parime, prap se prap përgjatë hulumtimeve tona kemi vërejtur se një pjesë e profesorëve të UP-së janë aq të zhdërvjelltë në dallavere sa gjejnë revista që plotësojnë formalisht rregullat ndërkohë që revistat në fjalë ushtrojnë praktika mashtruese.

Javë më parë ORCA ka ngritur çështjen e supermenëve të Fakultetit të Inxhinierisë Mekanike të cilët i kanë zbuluar dy revista shkencore nëpër të cilat disa nga profesorët kanë publikuar nga 18 e 19 punime brenda një viti e gjysmë. Ndërkohë që mesatarja për profesorët norvegjezë është 0.96 punime në vit, pra më pak se një punim brenda vitit.

Duke e parë këtë situatë ORCA dhe bashkëpunëtorët e saj kanë nisur një operacion për demaskim të revistave të dyshimta që formalisht i plotësojnë rregullat. Operacioni “Vreshtat” arriti të demaskonte revistën International Journal of Pharmaceutical Sciences Review and Research në të cilën kemi dërguar një punim pa asnjë vlerë shkencore me autor (fiktiv) Dr. Rrush Kalaveshin, nga Universiteti (inekzistent) i Ranillukut, punim i cili është publikuar.

Menjëherë pas publikimit disa nga mediet kanë raportuar për rastin, ndërkohë që ne i kemi kërkuar Senatit të marrë masa dhe ta fus në listë të revistave të dyshimta revistën në fjalë. Në mbledhjen e së hënës që shkoi, Senati i UP-së për herë të parë ka marrë një vendim për futjen në listë të revistave të dyshimta revistën në fjalë dhe për më tepër nuk i ka avancuar profesorët që kanë pasur punime të publikuara në atë revistë.

Në mesin e këtyre profesorëve është Ilir Shehu i cili nuk është mjaftuar me skandalin në të cilin tashmë është përfshirë. Ai i ka dërguar një email revistës duke paraqitur veten si prodekan pa qenë i tillë sipas veb faqes së UP-së. Ai në vend se t’i shkruante revistës për t’i kërkuar llogari për mashtrimin, është munduar që ta fsheh rastin duke e shantazhuar revistën e duke i kërkuar që punimin e Dr. Rrush Kalaveshit ta heq nga faqja e vet dhe madje duke kërkuar fletpagesën bankare për ta kuptuar se kush fshihet pas këtij shkrimi.

Me një anglishte të tmerrshme përplot me gabime, gjë e cila ngritë edhe çështjen se si ky person ka publikuar deri tash, ai i jep ultimatum revistës mashtruese që ta heq punimin e Dr. Kalaveshit ashtu që UP ti kthehet paqes artificiale të mashtrimeve e dallavereve.

ORCA me të mbledhur dëshmitë e nevojshme ka deponuar sot në Këshillin e Etikës njoftimin për shkeljet disiplinore që Ilir Shehu tashmë i ka kryer duke komunikuar me palë të tjera në emër të Fakultetit rrejshëm, duke u paraqitur në funksione që ai nuk i ka dhe për më tepër duke sfiduar vendimin e Senatit për ta futur në listë të revistave të dyshimtë revistën në fjalë.

Ilir Shehu është në kundërshtim flagrant me nenin 6, 14 dhe 15 të Kodit të Etikës ku parashihen shkeljet e rënda disiplinore dhe parimet e përgjithshme të përgjegjësive akademike e shkencore të stafit akademik. Prandaj ne kërkojmë të merren masa urgjente ndaj tij.

Ndërkohë, ORCA njofton publikun se kushdo që përpiqet ta minojë rrugën e integritetit akademik që institucionet si MAShT, Senati i UP-së, Menahmenti i UP-së dhe shoqëria civile po mundohen ta shtrojnë, ORCA do të jetë aty për t’i diskredituar përpjekjet e tyre dhe për t’i luftuar aktivisht ato përpjekje, me të gjitha format.

 

Kalendari

Ngjarjet e datës 19 nëntor 2018 - Kuvendi i Republikës së Kosovës shënon Diten e Konventës Ndërkombëtare për të Drejtat e Fëmijëve.(Ndërtesa e Kuvendit, salla C 405, ora 10:00)

- Kryeparlamentari Kadri Veseli merr pjesë në Ditën e Konventës Ndërkombëtare për të Drejtat e Fëmijëve. (Ndërtesa e Kuvendit, salla C 405, ora 10:00)

- Mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 11:00)

- Programi i Kombeve të Bashkuara për Zhvillim do të përurojë impiantin i për trajtimin e ujërave të zeza në vise rurale në fshatin Kramovik, Komuna e Rahovecit. (Fshati Kramovik, ora 11:00)

- Ministri i Mjedisit dhe Planifikimit Hapësinor, Fatmir Matoshi, do të marrë pjesë në ceremoninë e inaugurimit të Impiantit për Trajtimin e Ujërave të Zeza - moçalishtë e ndërtuar në Kramovik të komunës së Rahovecit. (Fshati Kramovik, ora 11:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Ferizajt, Agim Aliu për avansimin e pozitës së të rinjve në sport, kreativitet kulturor dhe mendim kritik dhe në dituri. (Objekti i Komunës së Ferizajt, ora 11:00)

- Kryeparlamentari Kadri Veseli merr pjesë në mbledhjen e Kryesisë së Kuvendit. (Ndërtesa e Kuvendit, salla C 301, ora 11:00)

-  Mbahet ceremonia e nënshkrimit të marrëveshjes së bashkëpunimit ndërmjet Ministrisë së Integrimit Evropian dhe Norvegjisë, me ç’rast nënshkruhet projekti përkrahës i Norvegjisë për ngritjen e kapaciteteve të shërbyesve civilë për zbatimin e MSA-së. (Ndërtesa e Qeverisë, salla e Konferencave P-32, ora 11:00)

- Mbahet sesioni informues i thirrur nga  Fondi i Ballkanit Perëndimor e cila është thirrja e dytë me radhë për propozimet e projekteve rajonale. (Ambientet e Ministrisë së Punëve të Jashtme, ora 11:00)

- Kryeparlamentari Kadri Veseli pret në takim të përbashkët ministrin e Financave, ministrin e Drejtësisë dhe kryeshefin e Agjencisë Kundër Korrupsionit në Kosovë. (Kabineti i Kryeparlamentarit, ora 13:00)

- Kryetari i Nismës Socialdemokrate, Fatmir Limaj, mban takim me të rinjtë e Nismës në Shtime. (Shtëpia e Kulturës në Shtime, ora 16:00)
 
- Kryetari i Nismës Socialdemokrate, Fatmir Limaj, mban takim me të rinjtë e Nismës në Lipjan. (Golden Day në Lipjan, ora 18:00)

- Galeria Kombëtare e Kosovës organizon hapjen e ekspozitës “Muzeu i tri pikave” të artistit Lulzim Zeqiri. (Galeria Kombëtare e Kosovës, ora 20:00)