08 Shkurt 2023

OAK kërkon nga MASHT ndërlidhjen e kuadrove me nevojat e tregut të punës

Prishtinë, 3 nëntor - Rëndësia e arsimit dhe aftësimit profesional, bashkëpunimi i ngushtë mes bizneseve dhe MASHT, përgatitja e kuadrove profesionale në përputhje me nevojat e tregut, kufizimi i vendeve në institucionet arsimore publike dhe private, duke u respektuar profesionet që kërkohen në treg e obligimi që nxënësit dhe studentët krahas mësimit teorik të kryejnë edhe punën praktike ishin disa nga çështjet që u diskutuan në takimin mes përfaqësuesve të OAK-së me Këshilltaren e Ministres së Arsimit, Shkencës, Teknologjisë dhe Inovacionit znj. Majlinda Rizvanolli.

Gjatë këtij takimi, Sekretari Diamant Elshani theksoi që mungesa e kuadrit profesional po i vështirëson punët për bizneset, andaj është më se e nevojshme që të rritet bashkëpunimi ndërmjet bizneseve dhe shkollave profesionale ashtu që të krijohen drejtime për të cilat ka mungesë të kuadrit, në përputhje me nevojat e tregut. Mungesa dhe largimi i punëtorëve është një problematikë shumë e theksuar theksoi Elshani.

Përderisa Koordinatoria Qëndresa Ibrahimi potencoi Memorandumet e bashkëpunimit që OAK ka nënshkruar me Universitetin e Prishtinës dhe me Fakultetet përkatëse me qëllim të ndërlidhjes së studentëve me tregun e punës.

Të dyja palët theksuan rëndësinë e aplikimit të mësimi dual për nxënësit si kombinim mes teorisë dhe praktikës në mënyrë që të rinjët të jenë sa më të përgatitur për tregun e punës, duke u bërë kështu inkorporimi i shkollave profesionale dhe bizneseve. Gjithashtu, gjatë këtij takimi u theksua nevoja e një analize të mirëfilltë të nevojave të tregut, e pastaj të akreditohen drejtimet në shkollat profesionale dhe ato në nivelin universitar me qëllim të eleminimit të shpërputhjeve që aktualisht ekzistojnë ndërmjet kuadrove që shkollat/universitetet nxjerrin me nevojat reale të tregut të punës. 

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)