14 Korrik 2020

Nis Universiteti Dimëror për Studime të Sigurisë dhe Integrimeve Euro-Atlantike

Prishtinë, 7 shkurt - Asociacioni i Paktit Atlantik i Rinisë së Kosovës, në vazhdën e promovimit të procesit të Integrimit të Kosovës në NATO, nga sot deri 10 shkurt organizon Edicionin e Katërt të Universitetit Dimëror për Studime të Sigurisë dhe Integrimeve Euro-Atlantike.

Në këtë edicion do të marrin pjesë studentë dhe ligjërues nga vende të ndryshme të Evropës dhe Amerikës.

Përvec ligjëratave dhe sesioneve shkencore, do të organizohen edhe udhëtime kulturore dhe vizita studimore në Kuvendin e Kosovës dhe Forcën e Sigurisë së Kosovës, pët të bërë diplomaci kulturore dhe të mbrojtjes dhe promovimin e shoqërisë tonë para pjesëmarrësve dhe studiuesve të sigurisë nga zona Euro-Atlantike.

Ky aktivitet organizohet në kuadër të planit të aktiviteteve të të rinjve në zonën Euro-Atlantike.

 

Kalendari

Ngjarjet e datës 14 Korrik 2020 - Vazhdimi i seancës plenare të Kuvendit në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 10:00)

- Ministria e Infrastrukturës mban konferencë për media, në të cilën do të prezantohet raporti "Dekada e sigurisë 2010-2019" si dhe do të bëhet edhe prezantimi i përgatitur nga Policia e Kosovës, të ashtuquajtur:" Gjendja e sigurisë në trafikun rrugor". (Ndërtesa e Ministrisë sē Infrastrukturës, ora 10:00)

- Fondi për të Drejtën Humanitare Kosovë organizon konferencën online me temën “Sfidat në procedimin e krimeve të luftës në Kosovë-cila është rrugëdalja?” (zoom.us/j/93560389814, ora 10:30)

- Mbahet mbledhja e Qeverisë së Kosovës. (Ndërtesa e Qeverisë, ora 11:00)

 - Mbahet dëgjimi publik për përgatitjen e buxhetit për vitin 2021 dhe kornizës afatmesme 2021-2023 me grupin e Grave-Buxhetimi gjinor dhe të gjithë OJQ-të (Salla e mbledhjeve të Kuvendit Komunal të Rahovecit, ora 15:00)

- Në prani të Ambasadorit Gjerman, Christian Heldt dhe drejtori të GIZ, David Oberhuber do të nënshkruhet një partneritet publik-privat midis GIZ dhe Kolegjit Heimerer me qëllimi zbatimin e masave të menaxhimit të higjienës sipas hulumtimit më të fundit të Covid-19 që do të rrisë në mënyrë të konsiderueshme sigurinë e pacientëve dhe stafit në spitalet publike në Kosovë dhe do të parandalojë përhapjen e koronavirusit brenda këtyre institucioneve. (Tek Kolegji Heimerer, ora 15:00)

- Mbahet dëgjimi publik me Biznese të komunës së Rahovecit. (Salla e mbledhjeve të Kuvendit Komunal të Rahovecit, ora 16:00)

-  Demokraci për Zhvillim organizon  sallonin e radhës me temën “Ndikimi i pandemisë në punësimin e grave”. (Përmes platformës Google Meet, ora 17:00)

-  Ambasada e Francës permes rrjeteve sociale kremton Festën kombëtare franceze. (https://www.facebook.com/FranceauKosovo/,  ora 18:00)