28 Shtator 2022

Në Vushtrri nis sot edicioni i II-të i Akademisë Verore "Arbën Xhaferi"

Prishtinë, 11 gusht - Sot në qytetin e Vushtrrisë organizohet  edicioni i II-të i Akademisë Verore "Arbën Xhaferi".

Kështu, duke lënë prapa të gjitha kujtimet e bukura, eksperiencat rinore dhe mikëpritjen e bujarinë e qytetit të Gostivarit, ku organizuam edicionin e parë k’të vit akademia do të organizohet në Kosovë.

Në Akademinë Verore Arbën Xhaferi" marrin pjesë 20 të rinjë nga të gjitha trevat shqiptare të cilët janë të moshës 18-23 vjeç, përgjatë qëndrimit të tyre një javorë ata kanë mundësinë që të shkëmbejnë njohuri në tema të ndryshme, poashtu ligjërues të shumtë nga Kosova, Maqedonia e Veriut, Shqipëria, Mali i Zi dhe Lugina.

Ndërsa, tematikat të cilat trajtohen në akademi janë politike, ekonomike dhe sociale. Në datë 16 Gusht pjesëmarrësit e akademisë do të vizitojnë edhe qytetet: Gjilan, Mitrovicë, Kamenicë, Prishtinë dhe Prekaz, ku do të kenë mundësinë që të bashkëbisedojnë me udhëheqës komunal, të vizitojnë monumente historike, trashigiminë kulturore dhe të tjera.

Hapja zyrtare e edicionit të II-të të akademisë verore Arbën Xhaferi" do të bëhet sot në Kalanë e Vjetër të Vushtrrisë në prani të drejtorit ekzekutiv Enis Miftari dhe Kryetarit të Komunës së Vushtrrisë Ferit Idrizi.

Trajnimet, puntoritë, diskutimet do të fillojnë më datë 12 Gusht, në ditën ndërkombëtare të rinisë.

Akademia ka organizuar tre evenimente të cilat janë të hapur për të gjithë qytetarët.

Kalendari

Ngjarjet e datës 28 shtator 2022

- Kryetari i Kuvendit të Republikës së Kosovës, Glauk Konjufca, pret në takim udhëheqësin e Njësisë në Drejtorinë e Përgjithshme të Komisionit Evropian për Politikat Evropiane të Fqinjësisë dhe Negociatat e Zgjerimit, Vassilis Maragos. (Kabineti i kryetarit, ora 9:50 - Mediat mund të marrin pamje në fillim të takimit)

- Koalicioni 27, grupi i organizatave të shoqërisë civile që punojnë në fushën e mjedisit bën publikimin e raportit “Shkatërrimi ekologjik - Koha të veprojmë” i cili paraqet gjendjen e mjedisit në Kosovë, në raport me kërkesat e Bashkimit Evropian në kapitullin 27 “Mjedisi dhe ndryshimet klimatike”. (Hotel Swiss Diamond, ora 10:00)

- Komisioni për Buxhet, Punë dhe Transfere shqyrton raportin e shpenzimeve të Kuvendit, të Bankës Qendrore, Fondit të Kursimeve Pensionale, etj. (Ndërtesa e Kuvendit, salla C203, ora 10:00)

- OJQ EC Ma Ndryshe mban konferencën “Zhvillimi i turizmit rural dhe trashëgimisë shpirtërore - Një e ardhme e domosdoshme?”. (Kino Lumbardhi në Prizren, ora 10:00)

-  Komisioni për Shëndetësi dhe Mirëqenie Sociale takohet me kryesuesen e Bordit të Shërbimit Spitalor, Klinik, Universitar të Kosovës znj.Aida Rexhepi dhe me u.d. Drejtoreshën e Shërbimit Spitalor, Klinik, Universitar të Kosovës znj. Pranvera Zejnullahu- Raçi. (Ndërtesa e Kuvendit, salla N302, ora 10:00)

- Shehu Academy në bashkëpunim me projektin e USAID organizon ngjarjen “Ndërlidhja e ofertës me kërkesën në tregun e punës” me moton “Aftësim, Punësim, Zhvillim”. (Hotel Emerald, ora 10:00)

- Aleanca e të Rinjve të Kosovës zhvillon një aksion simbolik para Ministrisë së Arsimit, në mbështetje të kërkesave minimale të mësimdhënësve. (Para Ministrisë së Arsimit, ora 10:00)

- Dhoma e Tregtisë dhe Industrisë Kosovë organizon konferencën rajonale “Promovimi i Investimeve Rajonale”. (Hotel International Prishtina në Veternik, ora 11:00)

 - Kryetari i Kuvendit të Republikës së Kosovës, Glauk Konjufca, pret në takim Ambasadorin e Luksemburgut, Eric Dietz. (Kabineti i kryetarit, ora 11:30 - Mediat mund të marrin pamje në fillim të takimit)​

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton në parim Projektligjin për Institutin e krimeve të kyera gjatë luftës në Kosovë, dhe raportet e komisioneve kryesore për Projektligjin për Kompensimin e Viktimave të Krimit. (Ndërtesa e Kuvendit, salla N506, ora 13:00)

- Qendra e Lëvizjes Vetëvendosje në Kastriot mban konferencë për media. (Pallati i Drejtësisë, ora 13:00)

- Komisioni Ad-Hoc për Reformën Zgjedhore në Kosovë shqyrton Planin e punës së Komisionit, kërkesen për buxhetin e Komisionit dhe shqyrton termat e referencës për Grupin Këshillëdhënës. (Ndërtesa e Kuvendit, salla N302, ora 14:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla N204, ora 14:00)