01 Tetor 2020

Në tetor organizohet “Konferenca e dytë për gjeoshkencë” në UMIB

Mitrovicë, 3 shkurt - Pas suksesit që ka arritur vitin e kaluar, konferenca me titull “Roli i gjeoshkencave në zhvillimin e qëndrueshëm”, do të mbahet edhe sivjet, më 8 dhe 9 tetor 2020 në Universitetin e Mitrovicës “Isa Boletini” (UMIB).

Për këtë qëllim të hënën është mbajtur edhe takimi i Këshillit Organizativ (KO), ku përveç UMIB-it, bëjnë pjesë edhe Komisioni i Pavarur për Miniera dhe Minerale, Ministria e Zhvillimit Ekonomik dhe Shërbimi Gjeologjik i Kosovës.   

Në takim ishte i pranishëm edhe rektori i UMIB-it, Alush Musaj si dhe prorektorja, Merita Shala, të cilët shprehën mbështetjen e plotë për Këshillin Organizativ që organizon një ngjarje të tillë me karakter shkencor.

“Konferenca që u mbajt vitin e kaluar pati shënuar një sukses të madh dhe pati zgjuar interesim gjithandej. Duke pasur parasysh këtë sukses, mendojmë se është tepër me rëndësi që kjo të shndërrohet në një aktivitet tradicional në UMIB”, tha rektori Musaj.  

Kryesuesi i Këshillit Organizativ, Sabri Avdullahi, e falënderoi rektorin Musaj dhe prorektoren Shala, për mbështetje dhe gjithashtu falënderoi anëtarët e KO për angazhimin e tyre.

Sipas tij, “Konferenca për gjeoshkencë”, po merr përmasa të një ngjarje shkencore të karakterit evropian, që është një gjë e madhe për UMIB-in.

Ndryshe, në “Konferencën për gjeoshkencë”, vitin e kaluar, përveç studiuesve nga universitetet vendore, kanë qenë të pranishëm edhe studiues dhe shkencëtarë nga vende të ndryshme të Evropës, si nga Finlanda, Italia, Polonia, Turqia dhe Sllovenia.

Gjithsej qenë regjistruar 86 pjesëmarrës, ku ishin dorëzuar gjithsej 75 abstrakte, prej të cilave ishin pranuar 52 sosh.


 

 


 

Kalendari

Ngjarjet e datës 1 Tetor 2020 - Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Mbahet seanca gjyqësore kundër Faik Grainca për keqpërdorim të pozitës apo i autoritetit zyrtar nga neni 422 paragrafi 1 të KPRK. (Gjykata Themelore në Ferizaj, salla nr.3, ora 9:30)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Lëvizja Vetëvendosje mban konferencë për media. (Zyret e LV-së në Arbëri, ora 12:00)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)