06 Tetor 2022

Në ceremoni madhështore, diplomojnë maturantët e dy shkollave të Gjilanit

Gjilan, 9 qershor – Në Gjilan sot është mbajtur ceremonia e diplomimit të maturantëve të shkollës së mesme të artit pamor “Adem Kastrati” dhe shkollës së mesme të muzikës.

Kryetari i Komunës, Lutfi Haziri, i ka përgëzuar dhe falënderuar nxënësit e këtyre shkollave për angazhimet e performancat në kohë pandemie.

“Ju falënderoj për rolin tuaj si nxënës në angazhime komunitare, për performancën në ballkonin e konviktit, për performancën online në kushte pandemie, për vizatimet dhe logot që ia keni dhënë Komunës gjatë dy viteve shkollore të vështira si pasojë e pandemisë COVID-19. Ju po e mbyllni maturimin me dy pamundësi, mbrëmja e përbashkët e maturës dhe ekskursioni që është pjesë e kurrikulës. Ju keni lënë gjurmë në arsimin gjilanas dhe ju uroj suksese në fillimin e ri”, ka thënë Haziri.

Drejtori i Arsimit, Nazim Gagica, tha sot është ndjenjë e veçantë të jenë bashkë në këtë moment ku bëhen bashkë fundi dhe fillimi.

“Fundi i rritës suaj të suksesshshme si të rinnj dhe kurorzmi ceremonial sot, si dëshmi e sukseseve tuaja dhe besimit të të gjithvë neve në ju”, ka thënë Gagica.

Në emër të të gjithë maturantëve të të dy shkollave ka folur Vjollcë Osmani, e cila se kjo ditë është veçant pasi po e përmbyllin një proces, për të vazhduar një tjetër të rrugëtimit jetësor.

Në këtë ceremoni, kori i shkollës së muzikës ka intepretuar para të pranishmëve disa pika korale. 

Kalendari

Ngjarjet e datës 6 tetor 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raporti me amendamente për Projektligjin për ndryshimin dhe plotësimin e Ligjit për Procedurën Përmbarimore. (Ndërtesa e Kuvendit, salla N303, ora 9:00)

- Byroja Kosovare e Sigurimit shënon 11 vjetorin e themelimit. (Hotel Venus, ora 9:00)

- Ministria e Punëve të Brendshme e Kosovës dhe UNDP Kosova do të organizojnë  fillimi e fushatës për ndërgjegjësimin e publikut  “Festo me zemër, jo me armë” që synon ngritjen e vetëdijes për rrezikun e posedimit dhe keqpërdorimit të armëve të vogla dhe të lehta. (Swiss Diamond Hotel, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KEK-ut, për periudhën 2006-2008. (Ndërtesa e Kuvendit, salla N10, ora 10:00)

- Oda Amerikane po organizon tryezën e rrumbullakët me titullin "Ndërtimi i partneritetit për përmirësimin e kujdesit ndaj pacientëve në Kosovë", për të diskutuar lidhur me këtë temë dhe sfidat e tjera në fushën e kujdesit shëndetësor, me ekspertë eminentë nga Kroacia. (Hotel Swiss Diamond, ora 10:00)

-  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Jeton Mehmetin Kryesues i Bordit të Drejtorëve të KOSTT. (Ndërtesa e Kuvendit, salla N302, ora 10:00)

- Avokati i Popullit organizon dëgjime publike përkitazi me hetimin e përgjithshëm për shëndetin riprodhues. (Salla e Kuvendit Komunal të Prishtinës, ora 10:00)

- Ministrja e Ekonomisë, Artane Rizvanolli do të mbajë konferencë për media me temë 'Masat për subvencionim të efiçiencës së energjisë për qytetarët'. (Ministria e Ekonomisë, salla e takimeve, ora 11:00)

- Këshilli i Pavarur Mbikëqyrës për shërbimin civil të Kosovës raporton para Komisionit për Administratë Publike, Pushtet Lokal, Media dhe Zhvillim Rajonal lidhur me punën 6 mujore të vitit 2022. (Ndërtesa e Kuvendit, salla C203, ora 12:00)

- Me rastin e vdekjes së ish komandantit të Ushtrisë Çlirimtare të Kosovës, Deli Lekaj, Komuna e Deçanit organizon mbledhjen komemorative. (Salla e Kuvendit të Komunës, ora 12:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C301, ora 13:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KOSTT-it, për periudhën 2006-2008. (Ndërtesa e Kuvendit, salla N10, ora 14:00)