14 Dhjetor 2018

Ndahen certifikatat për studentët e UPZ-së, fitues në garën nacionale në lëndët juridike

Prizren, 12 janar - Në Universitetin “Ukshin Hoti” në Prizren, të premten në një ceremoni janë ndarë certifikatat për studentët e Fakultetit Juridik të cilët e kanë fituar garën nacionale në lëndët penale juridike nga universitetet publike të Kosovës. Kjo garë është organizuar nga NCSC në kuadër të programit “Kërko Drejtësi” të financuar nga Departamenti i Shtetit i SHBA-së.

Rektori i UPZ-së, Prof. Dr. Ramë Vataj, i falënderoi studentët fitues për përfaqësim dinjitoz të UPZ-së duke theksuar se fakti më i mirë që Universiteti i Prizreni ka kualitet është suksesi i juaj i treguar me këtë rast. “Jeni krenaria e UPZ-së”, është shpreh rektori Vataj, duke shtuar se studentët e UPZ-së po tregojnë suksese më të mira edhe në konkursin dhe studimet e nivelit mastar në Universitetin e Prishtinës.

Ndërkaq, Prorektori i UPZ-së, Prof. Dr. Kadri Kryeziu, theksoi se suksesi i studentëve në këtë garë ju ka siguruar atyre pjesëmarrjen edhe në Universitetin e Harwardit, duke i inkurajuar studentët që të vazhdojnë të përkushtohen në mësime.

Fjalën e mori edhe dekani i Fakultetit Juridik, Prof. Dr. Arif Rizaj dhe tha se ndihet krenar me arritjet e studentëve të fakultetit juridik dhe i falënderoi për përfaqësim dinjitoz.

Prof.Dr. Armend Podvorica, profesor i lëndëve penale në Fakultetin Juridik theksoi se ky është shembull që me punë arrihet gjithçka, duke shtuar studentët fitues të garës na jepin vullnet që të përkushtohemi edhe ne si profesor në punë.

Nga ana tjetër Edona Ahmetaj,  zyrtare ligjore në Programin Kërko Drejtësi theksoi se studentët e UPZ-së kanë qenë të mrekullueshëm në paraqitje, duke bërë të ditur se qëllimi ka qenë për t’i bërë bashkë studentët e të gjitha universiteteve publike për herë të parë.

Liridon Pnishi, student i dalluar i Fakultetit Juridik, pjesëmarrës në këtë garë, falënderoi profesorët e lëndëve penale, Armend Podvoricën, profesoreshën Adelina Raka dhe profesorin Hashim Qollaku për kontributin e dhënë në formësimin e tyre akademik. Pnishi tha se ky sukses është dëshmi se në UPZ ka cilësi. “Suksesi vjen vetëm me punë të palodhshme, mos pritni për mundësinë, por krijone siç e krijuam ne”, tha studenti Pnishi.

Në fund është bërë edhe simulimi i një seance gjyqësore nga studentët fitues.

Fitorja e studentëve të UPZ-së, është një dëshmi se UPZ është bërë konkurrent serioz me universitetet nacionale, ndërkaq në një të ardhme të afërt me punë do të jemi në konkurrencë serioze edhe me universitetet në regjion dhe më gjerë.

Kalendari

Ngjarjet e datës 14 dhjetor 2018 - Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Instituti D4D organizon hapjen zyrtare të projektit “Rritja e qasjes së grave në punësim”. (Restorant Tartine Deli, Prishtinë, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Mbahet ceremonia e përurimit të shtëpisë për familjen skamnore në fshatin Livoç. (Fshati Livoç, ora 10:30)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Lidhja Demokratike e Kosovës bën homazhe te varri i Presidentit Historik të Kosovës Dr. Ibrahim Rugova dhe vazhdon më pas për homazhe te varri i Ahmet Krasniqit. (Velani, ora 11:30)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Kryeministri Ramush Haradinaj merr pjesë Akademinë Përkujtimore me rastin e 20 vjetorit të rënies së Heroit Mujë Krasniqi dhe 40 bashkëluftëtarëve të tij. (Salla e Kuqe të Pallatit të Rinisë, ora 16:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)