12 Prill 2021

Mustafa paralajmëroi amandamentimin e Ligjit të Maturës

Prishtinë, 14 tetor - Me qëllim të ngritjes së kapaciteteve të grupit të ekspertëve dhe koordinatorëve të testit të Maturës Shtetërore, Divizioni për Vlerësim Standarde dhe Monitorim (DVSM), në bashkëpunim me Projektin e Bankës Botërore  ka organizuar Punëtori dyditore lidhur me procesin e vlerësimit.

Para kordinatorëve të lëndëve dhe grupit të bashkëpunëtorëve të jashtëm, të cilët bëjnë përpilimin e pyetjeve të testit, ka folur eksperti ndërkombëtar, Stiven Beker.

Në këtë punëtori ishte i pranishëm edhe zëvendësministri i Arsimit, Shkencës dhe Teknologjisë dhe kryetari i KQSHM  Nehat Mustafa i  shoqëruar nga zëvendësministri serbë, Serbolub Gjokiq.

Zëvendësministri Mustafa, me këtë rast ka theksuar se Ministria e Arsimit dhe KQSHM do të inicojnë në Kuvendin e Kosovës amandamentimin e Ligjit për Provimin Përfundimtarë dhe Provimin e Maturës Shtetërore, ndërsa ka shtuar se ka ide që matura të jetë vetëm në një afat, që të hiqet pragu i kalueshmërisë dhe të kalohet vetëm në test të arritshmërisë dhe që në test të ketë edhe lëndë me zgjedhje, por sipas tij këto çështje do të qartësohen mbas konferencës ndërkombëtare  për maturën që do mbahet kah fundi i muajit nëntor.

Duke rikujtuar se këtë vit akademik ka filluar pilotimi i pranimit të studentëve pa provim pranues në tri fakultete të Universitetit të Prishtinës, Mustafa ka paralajmëruar se vitin e ardhshëm nuk do të ketë provim pranues në fakultete.

 

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)