21 Mars 2019

Mitrovica, Skenderaj e Vushtrria mirëpresin studentët për punën praktike

Mitrovicë, 8 nëntor - Drejtuesit e Universitetit “Isa Boletini” në Mitrovicë kanë nënshkruar një marrëveshje bashkëpunimi me drejtoritë e arsimit në Mitrovicë, Skenderaj dhe Vushtrri për organizimin e praktikës së studentëve të Fakultetit të Edukimit nëpër institucionet shkollore dhe parashkollore.

Përfitues nga kjo marrëveshje bashkëpunimi pritet të jenë studentët, stafi akademik, mësimdhënësit, nxënësit, prindërit etj.

Në marrëveshjen e cila u nënshkrua të enjten nga prorektori, Izet Zeqiri, si dhe drejtorët e drejtorive komunale të arsimit në Mitrovicë, Iset Beka, në Skenderaj, Bekim Latifi dhe Vushtrri, Afrim Namani, janë përcaktuar obligimet e secilit institucion.

Në bazë të marrëveshjes planifikohet që palët të bashkëpunojnë për organizimin e veprimtarive arsimore, konferenca, simpoziume etj.

Në bazë të marrëveshjes palët janë pajtuar që të bashkëpunojnë në zbatimin e komponentës së praktikës pedagogjike, e cila është e ndërlidhur me veprimtarinë e institucioneve përkatëse.

Në marrëveshje është specifikuar se shkollat fillore dhe të mesme të ulëta si dhe institucionet parashkollore, lejojnë studentët e Fakultetit të Edukimit, që të jenë pjesë e procesit mësimor përgjatë vitit shkollor.

Drejtuesit e Universitetit “Isa Boletini”, ata të Fakultetit të Edukimit dhe drejtorët e drejtorive të arsimit në Mitrovicë, Skenderaj dhe Vushtrri, u zotuan se do të angazhohen që ky bashkëpunim të jetë sa më i frytshëm në të mirë të studentëve dhe institucioneve.  
 

Kalendari

Ngjarjet e datës 21 mars 2019 - Ministri i Punëve të Jashtme i Republikës së Kosovës, Behgjet Pacolli, do të jetë nikoqir i homologut të tij nga Mali i Zi, Srdjan Darmanoviq. (Ambientet e Ministrisë së Punëve të Jashtme, ora 8:50)

- Përurohem hapësirat e reja të Shoqatës Down Syndrome Kosova qendra në Prishtinë. (Qyteza Pejton Lokalet e NPB-së, ora 9:00)

- Institucioni i Avokatit të Popullit organizon tryezën me temë"Përgjegjësia juridike e shtetit për shkeljet e të drejtave të njeriut". (Institucioni i Avokatit të Popullit, ora 9:30)

- Instituti Demokraci për Zhvillim  organizon diskutim me rastin e publikimit të dokumentit të politikave “Matja dhe vlerësimi i politikave të riintegrimit”, (Hotel Sirius, ora 9:45)

- Ministri i Mjedisit dhe Planifikimit Hapësinor, Fatmir Matoshi do të takohet me kryetarin e Komunës së Prishtinës, Shpend Ahmeti ku do të diskutojë për hartat zonale, krijimin e zonave të gjelbra, veturat elektrike, policia mjedisore si dhe tema të tjera mes dy institucioneve. (Kabineti i Ministrit Matoshi, ora 10:00)

- Mbahet konferenca e përbashkët për media e Ministrit të Jashtëm, Behgjet Pacolli, dhe ministrit të jashtëm të Malit të Zi, Srdjan Darmanoviq. (Ambientet e Ministrisë së Punëve të Jashtme, ora 10:00)

Shoqata Down Syndrome Kosova organizon konferencen “Aftësia e Kufizuar Intelektuale në Kosovë”. (Hotel Sirius, ora 10:30)

- Qendra Mediale në Çagllavicë organizon debatin publik me temë "Platforma e Kosovës për dialog - realiteti apo fundi i dialogut?". (Qendra Mediale në Çagllavicë, ora 10:30)

- SHL-Kosova themelon Rjetin e Qendrave Rinore të Kosovës ku edhe mban Kuvendin për zgjedhjen e Bordeve të këtij Rjeti. (Zyra e KDI-së, ora 11:00)

- Oda e Afarizmit të Kosovës organizon konferencë për media për Ligjin e Punës.  (Zyret e OAK-së, ora 11:00)

- Lëvizja Vetëvendosje mban konferencë për media në të cilën flasin deputetët Glauk Konjufca dhe Arbërie Nagavci. (Holli i Kuvendit, ora 12:00)

- Ministri Mjedisit dhe Planifikimit Hapësinor, Fatmir Matoshi, do të vizitoi Termocentralin Kosova B lidhur me prezantimin e fillimit të investimeve madhore mjedisore në Termocentralin Kosova B, nga ana e menaxhmentit të KEK-ut. (Termocentrali Kosova B në Obiliq, ora 13:00)

- Partia Socialdemokrate mbanë koferencë për media. (Selia Qendrore e PSD-së, në lagjen Arbëria.  ora 14:00)