12 Prill 2021

Ministri Hoxhaj priti pianisten argjentinase, Martha Noguera

Prishtinë, 21 prill – Ministri i Punëve të Jashtme i Republikës së Kosovës, Enver Hoxhaj, ka zhvilluar një takim me pianisten nga Argjentina, Martha Noguera, e cila po merr pjesë në Festivalin “Chopin Piano Fest Prishtina”.

 

Gjatë takimit, Ministri Hoxhaj ka vlerësuar lartë rolin e artit dhe kulturës në forcimin e lidhjeve mes popujve të ndryshëm, të cilat reflektojnë pashmangshëm edhe në raportet mes shteteve të botës.

 

Duke falënderuar pianisten argjentinase për prezencën në festivalin që po zhvillohet në Prishtinë, Hoxhaj ka theksuar vullnetin e Institucioneve të Kosovës për të vendosur dhe forcuar raportet me Argjentinën, si një ndër shtetet më të rëndësishme të Amerikës jugore.

 

Në këtë aspekt, Ministri Hoxhaj ka thënë se diplomacia kosovare është e fokusuar që të forcojë marrëdhëniet me të gjithë popujt dhe shtetet e botës, duke e vlerësuar tejet të rëndësishëm dhe efikas në këtë drejtim, rolin e shkëmbimeve kulturore dhe artistike mes popujve.

 

“Diplomacia dhe arti mund t’i ndihmojnë njëra-tjetër, në drejtim të afrimit dhe forcimit të raporteve dhe shkëmbimeve ndërmjet artistëve, por edhe ndërmjet qytetarëve e institucioneve të shteteve tona”, ka thënë  Ministri i Punëve të Jashtme, Enver Hoxhaj.

 

Kurse, pianistja argjentinase Martha Noguera, ka shprehur gatishmëri për të qenë në shërbim të intensifikimit të shkëmbimeve kulturore dhe artistike mes dy vendeve, duke shpalosur edhe projekte konkrete në këtë drejtim, të cilat pritet të realizohen së shpejti.

 

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)