08 Mars 2021

Mësimi në shkollat e Gjilanit po shkon drejt normalizimit

Gjilan, 18 janar – Me rastin e fillimit të gjysmë-vjetorit të dytë të vitit shkollor, kryetari i Komunës së Gjilanit, Lutfi Haziri, bashkë me drejtorin e Arsimit, Nazim Gagica, kanë qëndruar në shkollën fillore “Thimi Mitko”, për të parë nga afër procesin mësimor.

“Drejtoria e Arsimit ka arritur që ta nis mësimin në shkolla në mënyrën më të mirë dhe jemi krenarë që mësimi po normalizohet në shkollat tona. Normalizimi i procesit mësimor si tendencë nuk është vetëm që ta provojmë këtë, por edhe ta zbatojmë. Besojmë shumë që po shkojmë drejt mbylljes së pandemisë”, tha kryetari Haziri.

Ai ka konfirmuar se po punohet në ndërtimin e aneksit të shkollës “Thimi Mitko” për të krijuar kushte më të mira, derisa në 11 shkolla tjera po punohet sipas planeve.

“Çerdhja e re në lagjen Arbëria përfundon sivjet, sikurse edhe objektet përcjellëse për infrastrukturë shkollore. Po shkojmë drejt mbylljes së investimeve në infrastrukturë, ku mësimdhënësit dhe nxënësit do të kenë hapësirë më të madhe veprimi. 3.2 milionë euro nga të hyrat komunale shkojmë gjithmonë në arsim, ndërsa mjetet tjera shkojnë në bujqësi e shëndetësi”, ka shtuar Haziri.

Haziri ka apeluar prindërit që në rast që shohin simptoma tek fëmijët e tyre, të mos i sjellin ata në shkollë, sikurse edhe për mësimdhënësit, në mënyrë që ta parandalohet infeksioni.

“Sot kanë lëvizuar rreth 25 mijë qytetarë, pra një e treta e banorëve është në lëvizje, dhe ta preventojmë e të mos lejojmë në asnjë mënyrë që të bëhemi burim i infeksionit”, shtoi Haziri.

Drejtori i DKA’së, Nazim Gagica, ka bërë të ditur se në të githa shkollat e Gjilanit mësimi ka filluar me kohë, ndërkohë që paraprakisht janë furnizuar me mjete higjienike dhe sanitare.

“Besoj që deri në Qershor kemi material të mjaftueshëm sanitar e higjienik. Lutem për kujdes të shtuar, edhe të nxënësve, mësimdhënësve dhe menaxhmetit. Faleminderit kryetarit Haziri për mbështetjen e madhe”, tha Gagica.

“Ditën e parë e kemi filluar shumë mirë, duke i respektuar të gjitha rekomandimet e IKSHPK. Nxënësit dhe mësimdhënësit kanë qenë në shkollë që të gjithë. Nuk kemi ndonjë rast të konfirmuar me COVID-19 dhe shpresojmë shumë që gjithçka do të ecë mbarë”, tha nga ana tjetër, drejtoresha e “Thimi Mitko”, Sevdije Sadiku. 

Kalendari

Ngjarjet e datës 8 Mars 2021

- Mbahet seanca gjyqësore kundër të pandehurit I.L. për vepren penale 'Keqpërdorimi seksual i personave nën moshën gjashtëmbëdhjetë vjet'. (Gjykata Themelore në Ferizaj, ora 9:30)

- Kryeministri në detyrë, Avdullah Hoti merr pjesë në aktivitetin “Shënimi i 8 Marsit- Dita Ndërkombëtare e Gruas”, me ç’rast do të bëhet edhe nënshkrimi i marrëveshjeve me përfitueset e bizneseve të vogla të Grave nga Programi i Rimëkëmbjes Ekonomike  2021 – Masa 4, Faza e dytë. (Ndërtesa e Qeverisë, ora 9:45)

- Qendra për Informim, Kritikë dhe Aksion organizon aksion simbolik për shënimin e Ditës Ndërkombëtare të Gruas. (Sheshi “Skënderbeu” në Prishtinë, ora 10:00)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore të rajonit të Mitrovicës që kanë kontribuar në luftën kundër pandemisë COVID-19. (Spitali i Përgjithshëm Mitrovicë, ora 10:00)

- Lëvizja FOL organizon konferencë për media me ç’rast do të bëhet publikimi i raportit “Pasuria e (pa)ndarë - Posedimi i pasurisë nga zyrtaret politike dhe bashkëshortet e zyrtarëve politik”. (Zyrat e Lëvizjes FOL, ora 10:30)

- Sindikata e Punëtorëve të Lotarisë së Kosovës do të protestojë para ndërtesës së Qeverisë. (Ndërtesa e Qeverisë, ora 11:00)  

- Universiteti ''Kadri Zeka'' do të shënojë 8 vjetorin e themelimit! (Ambientet e Universitetit në Gjilan, ora 11:00)

- Me rastin e Ditës Ndërkombëtare të Gruas mbahet marshi “Marshojmë s’festojmë kundër patriarkatit që vret”,  (Nisja nga sheshi “Zahir Pajaziti”, ora 12:00)  

- Shoqata e Gastronomëve organizon marsh protestues në të cilin do të kërkojnë hapje totale për bizneset. (Sheshi “Zahir Pajaziti”, ora 14:00)

 

- Komisioni Qendror i Zgjedhjeve mban mbledhjen e radhës. (Selia e KQZ-se, ora 14:00)

 

- Grupi I çiklizmit “Marakli t’Biciklave” për nder të ditës së gruas - 8 MARSI organizon eventin e radhës Marsho dhe çiklo që do të mbahet nëpër rrugët kryesore të kryeqytetit të Kosovës - Prishtinë. (Sheshi ''Zahir Pajaziti'' në Prishtinë, ora 14:00)

- OJQ “ETEA” dhe biblioteka “Hivzi Sulejmani” organizojnë bashkëbisedim me temën “Mësuesia ndër vite”. (Biblioteka “Hivzi Sulejmani” në lagjen Dardania, ora 16:00)

- Qendra e Artit dhe Komunitetit organizon mbrëmjen e poezisë “Poezi për Fuqi - çdo ditë është 8 mars”. (Teatrin Kombëtar në Prishtinë, ora 19:00)