06 Tetor 2022

Mësimdhënia online në nivelin e duhur

Prishtinë, 21 korrik - Dje në Biblotekën Kombëtare në Prishtinë është mbajtur ceremonia e çertifikimit të mësimdhënësve të gjeneratës së parë të cilët kanë përfunduar me sukses trajnimin "Mësimdhënia Online në Nivelin e Duhur", trajnim ky i cili u implementua nga Kosova Center for Distance Education (KCDE).

Ceremonia u hap nga Drejtoresha Ekzekutive e organizatës Antigona Uka, e cila theksoj se megjithëse pandemia ka nxitur vëmendjen në sektorin e mësimit digjital, eksperienca gjatë pandemisë me mësim online është larg nga ajo se si duhet konceptuar mësimin digjital. Sipas Antigones, ngritja e programeve për mësim digjital kërkon angazhim dhe ekspertizë të thellë të fushës, diciplinë kërkimore, dhe qasje inovative në krijimin e materialeve të nevojshme për mbarëvajtjen e trajnimeve digjitale. 

Fjalën e përfundoj duke e falenderuar GIZ Kosova e cila e ka mbështetur programin trajnues si dhe Ministrinë e Arsimit, Shkences, Teknologjise dhe Inovacionit MASHTI i cili e ka njohur/akredituar këtë program.

Kjo ngjarje u nderua edhe me prezencen e përfaqësuasesve nga GIZ Kosova, me crast Z. Tobias Seiberlich uroi mësimdhënësit të cilët e kryen këtë program me sukses dhe theksoi nevojën për zgjerim të mundësive të tilla. Ai shtoi se programi i KCDE duhet të mbështetet tutje nga MASHTI me qëllim që të ngirten më teper kapacitete digjitale si dhe të siguorhet qëndrueshmëria e programit trajnues. 

Tutje vazhdoj Milazim Behrami, Menaxher dhe Trajnues i Programit, i cili njoftoj më detajisht lidhur programin trajnues “Mësimdhënia Online në Nivelin e Duhur”, duke theksuar se ky program është dizajnuar duke u mbështetur në të gjeturat e një studimi të kryer nga KCDE ku kanë marrur pjesë 300 pjesëmarrës. Studimi është fokusuar në përvojat e mësimdhënsve me mësimin online, nevojat e tyre për zhvillim profesional, dhe pritshmërive të dëshiruara nga një program trajnues në fushën e mësimit online.

Programi është i ndarë në pesë module që përfshijnë gjithsej 15 sesione të barazvleshme me 35 kredi. Modulet dhe sesionet janë të organizuara në mënyrë që mësimdhënësit të a) fitojnë njohuri të reja përmes instruksioneve, b) reflektojnë mbi njohuritë e fituara dhe planifikojnë aplikimin e tyre në praktikë, c) diskutojnë rreth sfidave të mundshme që mund të paraqiten gjatë implementimit të njohurive të reja dhe zgjidhjeve të mundshme të këtyre sfidave. 

Pra si tërësi, programi trajnues ka një qasje apo metodologji praktike, e cila u lejon pjesëmarrësve jo vetëm që të mësojnë teori apo të njoftohen me platforma, por edhe që të ekspolorojnë dhe eksperimentojnë me platformat e mësimit online. Behrami theksoi edhe kriteret rigoroze të përzgjedhjes së pjesëmarrjes në trajnim, si dhe kriteret e çertifikimit. 

Në fund fjalën morri Andi Berisha, përfitues i programit të trajnimit "Mësimdhënia Online në Nivelin e Duhur", i cili ndau përvojën e tij gjatë trajnimit duke theksuar se ishte shumë fitimprurës dhe njëherit inkurajoi të tjerët të ndjekin këtë trajnim.


 

Kalendari

Ngjarjet e datës 6 tetor 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raporti me amendamente për Projektligjin për ndryshimin dhe plotësimin e Ligjit për Procedurën Përmbarimore. (Ndërtesa e Kuvendit, salla N303, ora 9:00)

- Byroja Kosovare e Sigurimit shënon 11 vjetorin e themelimit. (Hotel Venus, ora 9:00)

- Ministria e Punëve të Brendshme e Kosovës dhe UNDP Kosova do të organizojnë  fillimi e fushatës për ndërgjegjësimin e publikut  “Festo me zemër, jo me armë” që synon ngritjen e vetëdijes për rrezikun e posedimit dhe keqpërdorimit të armëve të vogla dhe të lehta. (Swiss Diamond Hotel, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KEK-ut, për periudhën 2006-2008. (Ndërtesa e Kuvendit, salla N10, ora 10:00)

- Oda Amerikane po organizon tryezën e rrumbullakët me titullin "Ndërtimi i partneritetit për përmirësimin e kujdesit ndaj pacientëve në Kosovë", për të diskutuar lidhur me këtë temë dhe sfidat e tjera në fushën e kujdesit shëndetësor, me ekspertë eminentë nga Kroacia. (Hotel Swiss Diamond, ora 10:00)

-  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Jeton Mehmetin Kryesues i Bordit të Drejtorëve të KOSTT. (Ndërtesa e Kuvendit, salla N302, ora 10:00)

- Avokati i Popullit organizon dëgjime publike përkitazi me hetimin e përgjithshëm për shëndetin riprodhues. (Salla e Kuvendit Komunal të Prishtinës, ora 10:00)

- Ministrja e Ekonomisë, Artane Rizvanolli do të mbajë konferencë për media me temë 'Masat për subvencionim të efiçiencës së energjisë për qytetarët'. (Ministria e Ekonomisë, salla e takimeve, ora 11:00)

- Këshilli i Pavarur Mbikëqyrës për shërbimin civil të Kosovës raporton para Komisionit për Administratë Publike, Pushtet Lokal, Media dhe Zhvillim Rajonal lidhur me punën 6 mujore të vitit 2022. (Ndërtesa e Kuvendit, salla C203, ora 12:00)

- Me rastin e vdekjes së ish komandantit të Ushtrisë Çlirimtare të Kosovës, Deli Lekaj, Komuna e Deçanit organizon mbledhjen komemorative. (Salla e Kuvendit të Komunës, ora 12:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C301, ora 13:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KOSTT-it, për periudhën 2006-2008. (Ndërtesa e Kuvendit, salla N10, ora 14:00)