03 Dhjetor 2022

Mësimdhënësit që mbajtën mësim do të kompensohen

Prishtinë, 4 tetor - Qeveria e Republikës së Kosovës ka rikonfirmuar se nuk do të ketë paga për mësimdhënësit që ishin qenë gjatë muajit shtator në grevë.

Një deklarim i tillë vjen nga zëdhënësi i Qeverisë, Përparim Kryeziu, i cili sot sërish e ka përsëritur deklaratën e një dite më parë.

Megjithatë, këtë herë Kryeziu këtë e ka bërë në llogarinë e tij në rrjetin social në Facebook.

Ai ka rishpërndarë një postim të ministres së Arsimit, Arbërie Nagavci.

“Kompensim do të ketë. Kompensim për punën e bërë”, shkroi ndër të tjera, ministrja Nagavci.

E një deklarim të tillë e përsëriti edhe zëdhënësi i Qeverisë, Përparim Kryeziu.

“Parimi 'pagë për punë' do të respektohet”, deklaroi Kryeziu. “ Mësimdhënësit që kanë mbajtur mësim do të kompensohen”.

Aktualisht, mësimdhënësit që kanë qenë në grevë nuk i kanë marrë pagat për muajin shtator.

Bazuar në paralajmërimet e ditëve të fundit nga zyrtarët e qeverisë, një gjë e tillë nuk pritet të ndodhë, ndonëse afati ligjor është deri me 5 tetor.

Kalendari

Ngjarjet e datës 3 dhjetor 2022

- Komuna e Prishtinës do të bëjë testimin e radhës të Sistemit të Alarmit Publik me tinguj të njëtrajtshëm dy herë nga 30 sekonda. (Prishitnë, ora 12:05)

- Ndihmës administratorja e Agjencisë së Shteteve të Bashkuara për Zhvillim Ndërkombëtar për Europë dhe Euroazi, Ambasadorja Erin E. McKee, do të vizitojë Kosovën ku do të takohet me akterë të ndryshëm duke përfshirë përfaqësues të Qeverisë, shoqërisë civile, sektorit privat, bartës të rinj të ndryshimeve etj. (Lokalet e Royal Beverages, Velekincë, Komuna e Gjilanit, ora 13:30)

- Ministrja e Drejtësisë, Albulena Haxhiu e shoqëruar nga kryetari i Komunës së Podujevës Shpejtim Bulliqi, do të mbajë tubim me vajza e gra. (Teatrin e Qytetit "Avdush Hasani", ora 14:00)

- Ministrja e Drejtësisë, Albulena Haxhiu e shoqëruar nga kryetari i Komunës së Podujevës Shpejtim Bulliqi do të vizitojë Qendrën e Handikos-it në Podujevë. (Objekti i Qendrës në Podujevë, ora 15:30)

- Në kuadër të Festivalit Ndërkombëtar të Filmit do të shfaqen filma vendor dhe të huaj, ku do të ketë diskutime me me autorët pjesmarrës! (Kino Armata, ora 17:00)
 
- Mbahet ceremonia e mbylljes së Festivalit Ndërkombëtar të Filmit më ç'rast do të behët edhe ndarja e çmimeve. (Kino Armata, ora 19:00 )