22 Prill 2021

Më 27 gusht mbahet provimi i maturës

Prishtinë, 19 gusht - Komisioni Qendror Shtetëror i Maturës (KQSHM) ka marrë vendim që provimi shtetëror i maturës të mbahet më 27 gusht, e jo siç ishte paraparë - më 31 gusht. Lajmin e ka bërë me dije kryetari i KQSHM-së, Nehat Mustafa, njëherësh zëvendësministër i Arsimit.

 Ky vendim, sipas tij, është marrë në mbledhjen e mbajtur të enjten nga zyrtarët e KQSHM-së.
Mustafa ka thënë se parashihet që provimit në këtë afat plotësues t’i nënshtrohen rreth 15 mijë maturantë. Ai ka treguar se përgatitjet për këtë provim janë duke shkuar sipas dinamikës së paraparë.

“Ka filluar aplikimi për provim nga maturantët, kurse katër ditë para mbajtjes së provimit do të dihet numri i saktë i maturantëve që do të marrin pjesë në provimin pranues. KQSHM-ja ka paraparë se ky numër do të jetë rreth 15 mijë”, ka thënë Mustafa.

Maturantët do të kontrollohen me detektorë

Mustafa ka thënë se këtë herë maturantët do të kontrollohen me detektorë. Kjo masë, ka thënë ai, do të ndodhë duke u nisur nga fakti se në një qendër të Deçanit në afatin e parë ishin verifikuar shkelje të procesit të maturës, të cilat gjatë ripërsëritjes së provimit ishin përmirësuar.

“Në Deçan përmirësimet kanë qenë shumë të suksesshme, brenda një kohe shumë të shkurtër (tri javë). DKA e Deçanit ka angazhuar një kompani të sigurimeve, e cila nëpërmjet detektorëve ka kontrolluar maturantët në hyrje dhe asnjë nuk ka arritur të hyjë me telefon celular në sallë. Atyre telefonat u janë ndalur në hyrje”, ka thënë Mustafa. Sipas tij, pasi kjo formë ka rezultuar e suksesshme, do të aplikohet edhe në këtë afat. “Në afatin e dytë të këtij provimi çdo DKA do të ketë përgjegjësi për të angazhuar kompani sigurimesh që do ta bëjnë kontrollimin e maturantëve”, ka thënë Mustafa.


Ai ka treguar se si masë për parandalimin e kopjimit do të jenë hapësirat në mes të nxënësve, që do të jenë nëpër salla, e cila do të mundësohet edhe për shkak të numrit më të vogël të maturantëve që këtë herë do të hyjnë në provimin e maturës.
Paraqitja e provimit të maturës duhet të bëhet deri më 23 gusht.(Epoka e Re)
 

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)