09 Dhjetor 2019

Mbahet konferenca 'Bashkëpunimi Universitet - Industri në Inovacion'

Ferizajt, 12 nëntor - Sot, në Universitetin e Shkencave të Aplikuara në Ferizaj (UShAF) u mbajt Konferenca Ndërkombëtare “Bashkëpunimi Universitet – Industri në Inovacion”, e organizuar nga UShAF, në bashkëpunim me Universitetin e Shkencave të Aplikuara në Salzburg, si dhe  mbështetur nga Projekti “Arsimi i Lartë, Kërkimi dhe Shkencat e Aplikuara (HERAS)”, i financuar nga Qeveria Austriake.

Kjo Konferencë e ndarë në dy sesione kishte për qëllim paraqitjen e boshllëqeve egzistuese, si dhe masave të nevojshme për forcimin e bashkëpunimit në mes të universiteteve dhe industrisë në Kosovë. Poashtu, kishte për qëllim identifikimin e mënyrave dhe hapave konkret për krijimin e një mjedisi të favorshëm për përfshirje më të gjerë të kompanive në akademi, si dhe zhvillimin e strategjive për rritjen e punësimit të studentëve në kompani, po edhe rolin e Universitetit në zhvillimin e inovacionit në biznese.

Temë e sesionit të parë ishte: Bashkëpunimi Universitet-Industri, si dhe roli i Universitetit për punëdhënësit dhe punëmarrësit e së ardhmes, ku si panelistë ishin: Prof. Dr. Agron Bajraktari, Rektor i UShAF, Prof. Dr. Marjan Dema, Rektor i Universitetit të Prishtinës, Prof. Dr. Alexander Petutschnigg, nga Universiteti i Shkencave të Aplikuara në Salzburg, Prof. Dr. Myzafer Shala, Ministër i Inovacionit dhe Ndërmarrësisë, znj. Efka Heder, Udhëheqëse e projektit ALLED 2, si dhe Arlind Islami nga Alumni (studentët e diplomuar).

Ndërsa, në sesionin e dytë tema ishte: Universiteti si platformë për zhvillimin e inovacionit, ku panelistë ishin: z. Michael Ebner nga Universiteti i Shkencave të Aplikuara në Salzburg, Prof. Dr. Bujar Pira nga UShAF, z. Sadri Gashi nga Cadi Cleaning, z. Flamur Salihu nga Qendra e Inovacionit dhe Ndërmarrësisë në Ferizaj, z. Arianit Kastrati nga Oxa Group dhe Xhyljeta Xhymshiti nga Parlamenti Studentor i UShAF.

Prof. Dr. Agron Bajraktari në fjalën hyrëse të tij përshëndeti të gjithë të pranishmit. “Gjatë rrugëtimit tonë drejt zhvillimit të Universitetit, ndihmën më të madhe patëm nga Universiteti i Shkencave të Aplikuara në Salzburg nga të cilët morëm përvojat më të mira. Ky bashkëpunim nuk do të ishte i mundur pa përkrahjen e Qeverisë Austriake, e cila kontribuoi që në hapat e parë të themelimit të Universitetit tonë”, tha Rektori.

Rektori Bajraktari ndër të tjera, përmendi edhe bashkëpunimin dhe përkrahjen e madhe nga bizneset kosovare, bashëpunim ky i cili sipas tij ndikoi shumë që universiteti të bëjë më të mirën për rininë që dëshiron të studioj në këtë Universitet dhe me ndihmën e të cilëve do të ndikojmë pozitivisht në zhvillimin ekonomik të vendit. Poashtu, ai theksoi mundësitë që u ofrohen studentëve dhe stafit akademik e administrativ përmes mobiliteteve në kuadër të projekteve të programit Erasmus+.

Ndërsa, Alexander Petutschnigg nga Universiteti i Shkencave të Aplikuara në Salzburg, pëveç tjerash tha se ka vite që bashkëpunon me UShAF dhe duke qenë partner qe një kohë të gjatë, vërehen dukshëm arritjet e këtij Universiteti. Poashtu, ai tha se industritë nuk janë në kërkim të zgjidhjeve shkencore por janë në kërkim të zgjidhjeve praktike, gjë që shpjegon faktin që UShAF luan një rol të rëndësishëm për tregun e punës.

Pas përfundimit të Konferencës, të pranishmit vizituan kompaninë ANB Baliu, me të cilën UShAF ka Marrëveshje Bashkëpunimi për punë praktike të studentëve.

Në Konferencë morën pjesë: Rektorë të Universiteteve Publike të Kosovës, përfaqësues të komunave të rajonit të Ferizajt, përfaqësues nga organizata joqeveritare, përfaqësues t’projekteve të ndryshme me të cilat bashkëpunon UShAF, përfaqësues të bizneseve, përfaqësues nga Ministria e Arsimit, Shkencës dhe Teknologjisë, stafi akademik dhe administrativ, si dhe studentë të UShAF.

Kalendari

Ngjarjet e datës 9 dhjetor 2019 - Qendra Burimore për Persona të Zhdukur, QBPZH me mbështetjen e Ambasadës Britanike dhe Ambasadës Amerikane organizon diskutimin e tryezës së rrumbullakët, në shenjë të shënimit të Ditës Ndërkombëtare për të Drejtat e Njeriut. (Hotel Garden, ora 9:00)

- Oda Ekonomike Amerikane në Kosovë në bashkëpunim me Programin Aktiviteti për Drejtësi Komerciale të USAID, prezantojn te gjeturat e një studim të ri rreth Perceptimit të Korrupsionit sipas Bizneseve. (Hotel Swiss Diamond, ora 10:00)

- Koalicioni i OJQ-ve për Javën Kundër Korrupsion 2019  mban konferencë për media për të publikuar Kalendarin e Aktiviteteve të JKK 2019 ku edhe do përqoj disa mesazhe kryesore për temat të cilat do diskutohen gjatë këtyre pesë ditëve. (Hotel Sirius, ora 10:00)

- Kuvendi Komunali Gjilanit mban seancën e jashtezakonshme më pikënn e vetme te rendit të ditës është 'Diskutimi rreth lokaciont të ardhshëm të varrezave të qytetit'.(Objekti i Kuvendit Komunal te Gjilanit, ora 10:00)

- Universiteti i “Kadri Zeka” në Gjilan nënshkruan marrëveshje me  Agjencin Ekzekutive te Komisionit Evropian, për projektin milionësh në programin ERASMUS + Cooperation for Innovation and the exchange of good Practices. (Ambientet e Rektoratit, ora 10:30)

- Save the Childreb bën lansimin i instrumenteve për vlerësimin pedagogjik  të fëmijëve në Kosovë. (Qëndra Burimore Përparimi afër Don Bosko, ora 10:30)

- Instituti Demokratik i Kosovës organizojnë ekspozitën dhe ceremoninë e ndarjes së çmimeve për garën për fotografinë më të mirë kundër korrupsionit 2019. (Parku Arkeologjik, përballë Muzeut Kombëtar, ora 11:00)

- Universiteti i Shkencave të Aplikuara në Ferizaj, do të bën promovimin e librit "Turizmi Ndërkombëtarë", nga Prof. As. Dr. Hysen Sogojeva. (Universiteti i Ferizatj, ora 11:00)

- Lëvizja FOL organizon një tryezë me temë “Ligji për Mbrojtjen e Sinjalizuesve - Sfidat e zbatimit në praktikë”. (Hotel Sirius, ora 14:00)

- Programi i Kombeve të Bashkuara për Zhvillim përmes projektit Mbështetje Përpjekjeve Kundër Korrupsionit do të shënojë Ditën Ndërkombëtare Kundër Korrupsionit, duke ndarë shpërblimin për storjen më të mirë gazetareske kundër korrupsionit për vitin 2019. (Kino Armata, ora 18:00)

- Ambasadorja e Vullnetit të Mirë për Kosovën në IHRC Elvana Shala sonte organizon pritjen solemne “Bashkë për të drejtat tona” në bashkëpunim me Ambasadorin e Norvegjisë në Kosovë Jens Erik Grondahl dhe Ambasadoren e Suedisë në Kosovë znj. Karin Hermarck Ahliny. (Swiss Diamond Hotel, ora 18:00)

- Instituti i Kosovës për Drejtësi dhe “Betimi për Drejtësi” shfaqin premierën e dokumentarit “Sinjalizuesit e korrupsionit”. (Hotelin Sirius, ora 19:45)