01 Qershor 2020

Maturantët mitrovicas të suksesshëm 56.10 për qind

Prishtinë, 30 qershor - Vetëm një ankesë prej rreth 20 sosh nga nxënësit që ju kanë nënshtruar testit të maturës në Komunën e Mitrovicës ka marrë përgjigje pozitive nga Ministria e Arsimit, Shkencës dhe Teknologjisë (MASHT).

Zyrtarët komunalë të arsimit thonë se shumica e ankesave kanë qenë më tepër lutje që të bëhen lëshime për shkak se kishin mbetur vetëm për një pikë pa e arritur nivelin e kalueshmërisë.

Drejtori i Drejtorisë së Arsimit, Ali Bejta, shprehet i kënaqur në përgjithësi me nivelin e treguar nga maturantët mitrovicas. “Në nivel komunal niveli i kalueshmërisë është 56.10 për qind”, tha ai.

Duke folur për shkollat veç e veç, ai fillimisht e përmendi suksesin e jashtëzakonshëm të maturantëve të shkollës së mesme të muzikës “Tefta Tashko”, të cilët kanë arritur të kalojnë qind për qind. “Si zakonisht e suksesshme ka dalur edhe shkolla e mjekësisë “Xheladin Deda”, maturantët e së cilës kanë arritur të kalojnë në masën 84 për qind”.

Drejtori Bejta tha se maturantët e gjimnazit “Frang Bardhi” kanë treguar sukses në masën 52.62 për qind, ata të shkollës së mesme të ekonomisë “Hasan Prishtina” 40.72 për qind, përderisa për shkollën e mesme teknike “Arkitekt Sinani” pritet një përgjigje nga MASHT për shkak të problemit që kishte dalur me testet.

Duke sqaruar më tej për këtë ai tha se ditën e testit, në shkollën teknike ishin sjellur testet joadekuate për atë shkollë. “Pas gjysmë ore ishte vërejtur se testet ishin gabim.

Ato teste ishin për gjimnaz dhe jo për teknikë. Testet adekuate ishin sjellur shumë me vonesë. Për këtë ne kemi kërkuar nga MASHT që të përsëritet testi në këtë shkollë, por ende nuk kemi marrë përgjigje”.             

 

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)