13 Dhjetor 2019

MAShT organizoi konferencën për programin e shtatë kornizë

Prishtinë, 19 dhjetor - Ministri i Arsimit, Shkencës dhe Teknologjisë, Ramë Buja ka marrë pjesë në “Konferencën Informative për Programin e Shtatë Kornizë (FP7), të Komisionit Europian për Kërkim Shkencor dhe Zhvillim të Teknologjisë, e cila kishte për qëllim që të njohë komunitetin e kërkimit shkencor në Kosovë me këtë program, si dhe prezantimin e disa praktikave dhe sfidave të pjesëmarrjes së deritanishme me projekte të ndryshme kërkimore.

Ministri Buja, me këtë rast vlerësoi se, për të realizuar shkencë në Kosovë është shumë e nevojshme që të kemi informacion të saktë dhe burim të të mirave.

Ministri Buja, përmendi edhe shifrën 7 miliardë euro, të cilat i ka paraparë t’i ndajë Komisioni Evropian për vitin 2012, të cilat mjete iu dedikohen kërkimeve shkencore dhe zhvillimit të teknologjisë, e ku kanë qasje të gjitha vendet e botës.

Duke qenë se Republika e Kosovës, në cilësinë e partneres, ka fituar më së paku tri projekte nga ky program, në bashkëpunim me partnerët rajonal dhe ndërkombëtarë,  ministri Buja ftoi kërkuesit shkencor që të paraqesin programet e tyre, në mënyrë që të mund të sfidojnë veten në fushën e shkencës.

“Unë ftoj komitetin shkencor që të bëjë më shumë punë, më shumë angazhim dhe të ketë më shumë qasje në vlerën shkencore, sepse në fakt kriteret e FP7 janë të ashpra dhe insistimi ynë është që të mos mund të realizojmë vetëm duke pasur dëshirë, por që programet të jenë konkurruese me të gjithë nivelin shkencor të Evropës dhe më gjerë, sepse kjo na bënë që të sfidohemi”, u shpreh ministri Buja.

Ministri, po ashtu potencoi se, MAShT- i ka ofruar pikë kontakti, në mënyrë që institucionet shkencore të kenë informata të mjaftueshme rreth pikave të tyre të interesit, si dhe t’i ndihmojë ato që të kenë qasje më të lehtë për të konkurruar me projekte të tilla.

Sophie Beaumont, nga Zyra Ndërlidhëse e Komisionit Evropian, theksoi se është e kënaqur me faktin që institucionet e Kosovës janë të angazhuara në FP7, ndërkaq shtroi nevojën e avancimit dhe angazhimit të mëtejmë në këtë drejtim.

Beaumont, tha se është e impresionuar shumë me programin që ka zhvilluar Ministria e Arsimit, në Bashkëpunim me Zyrën Ndërlidhëse të KE-së, në mënyrë që të ndihmojë rreth asaj se si të ofrohet mështetje për komunitetin shkencor në Kosovë.

Në këtë konferencë folën edhe rektorët Mujë Rugova e Mazllum Baraliu, të cilët theksuan rëndësinë e këtij programi për shkencën dhe teknologjinë.  

Kalendari

Ngjarjet e datës 13 dhjetor 2019 - Aleanca Kosovare e Bizneseve dhe Ministria e Tregtisë dhe Industrisë organizojnë hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2019” me moto: Unë Konsumoj Produkte Vendore, Po JU? (Hotel Emerald, ora 9:30)

- Organizata për Fëmijët pa Kujdes Prindëror organizon konferencë nacionale për të diskutuar për situatën e strehimit familjar në Kosovë, për të arriturat, sfidat dhe planet e ardhshme për të zhvilluar me tutje këtë shërbim për fëmijët pa përkujdesje prindërore. (Hotel Sirius, ora 9:30)

- Komisioni i Pavarur për Miniera dhe Minerale organizon takim vjetor informues për përfaqësuesit dhe personat përgjegjës të ndërmarrjeve që merren me shfrytëzimin dhe përpunimin e lëndëve minerare, përpiluesit e plan-programeve të hulumtimit, përpiluesit e projekteve gjeologjike dhe të shfrytëzimit. (Salla e madhe në ndërtesën e Ministrisë së Administratës Publike, ora 10:00)

- Instituti Columbus organizon tryezë diskutimi me temë "Efekti i korrupsionit tek qytetarët: Diskutimi i fondit për trjatimin e pacientëve jashtë institucioneve publike të Kosovës. (Hotel Sirius, ora 10:00)

- Ministria e Tregtisë dhe Industrisë organizon konferencë informuese për zhvillimin e sektorit privat ku do të behet edhe ndarja e mirënjohjeve për “Ndërmarrjet me të suksesshme të vitit 2019”. (Hotel Emerald, ora 10:00)

- Demokraci Plus në bashkëpunim me Fondacionin Konrad Adenauer organizon konferencën lidhur me Procesin e Berlinit dhe obligimet për Sundim të Ligjit dhe Mirëqeverisjen. (Hotel Swiss Diamond, ora 10:00)

- Kryeministri në detyrë Ramush Haradinaj zhvillon vizitë pune në Ministrinë e Mbrojtjes, për të shënuar  një vjetorin e miratimit të tri Ligjeve, Ligjin për Forcën e Sigurisë, Ligjin për Shërbimin në FSK dhe Ligjin për Ministrinë e Mbrojtjes. (Ministria e Mbrojtjes, ora 11:00)

- Komuna e Istogut organizon diskutim publik me qytetar për projekt rregulloren komunale për taksa, ngarekesa dhe gjoba. (Ndërtesa e Komunës së Istogut, ora 11:00)

- Ekipi i Kombëve të Bashkuara në Kosovë së bashku me Klubin Ndërkombëtarë të Prishtinës  organizon panairin e festave të fundvitit. (Ndërtesa e Termokiss në Dardani, ora 12:00)

- Nxënësit finalistë nga e gjithë Kosova të klasave 3-12 do të konkurrojnë në garën e katërtë vjetore Po-e-Zë. (Amfiteatri i Bibliotekës Kombëtare të Kosovës, ora 12:00)

 - Muzeu Kombëtar i Kosovës organizon hapjen e ekspozitës me fotografi 'Bukuria e betonit' nga autori Etienne Rémond. (Muzeu Kombëtar, ora 12:00)

- Kryeministri në detyrë Haradinaj, në përvjetorin e rënies së dëshmorit dhe heroit Mujë Krasniqi, bën homazhe dhe vendos kurora lulesh te shtatorja e heroit. (Klinë, ora 13:00​)

- Hapet panairi “Punimet artizanale përtej kufijve” i organizuar për nder të festave të fundvitit, në kuadër të projektit ndërkufitar Kosovë - Maqedoni Veriore, “Ndërtimi i konkurrencës përmes bashkëpunimit dhe inovacionit: Qasja në tregjet e eksportit për produktet artizanale’’. (Restorant ‘’Planet’’ në Gjilan, ora 14:00)

- Instituti Kosovar për Hulumtim dhe Zhvillim të Politikave organizon tryezë diskutimi me temë: “Ligjërisht (t’pa) diplomuar?” e cilan mbahet me qëllim të diskutimit rreth problemit të verifikimit të diplomave të studentëve të cilët kanë ndjekur studimet pranë Bartësve Privatë të Arsimit të Lartë. (Hotel Sirius, ora 14:00)

- Projekti Climate 4 Change, i cili mbështetet nga Ambasada Norvegjeze dhe nga Fondacioni Kosovar për Shoqëri Civile organizon një debat politik - publik në të cilën do të diskutotohet për klimën. (Salla e Kuqe në Pallatin e Rinisë dhe Sporteve, ora 17:00)

- Ambasadorja e Francës në Kosovë, Marie-Christine Butel, organizon një pritje e cila si qëllim ka promovimin e djathit të Sharrit. (Rezidenca e Francës në Arbëri, ora 17:30)

- Instituti i Kosovës për Drejtësi organizon shfaqjen e dokumentarit “Java Kundër Korrupsionit 2018”.  (Modelarium i Fakultetit te Arkitekturës të Universitetit të Prishtinës, ora 18:00)