11 Korrik 2020

MASHT dhe Stichting Spark nënshkruan Memorandum Mirëkuptimi

Prishtinë, 12 dhjetor - Sekretari i Përgjithshëm i Ministrisë së Arsimit, Shkencës dhe Teknologjisë, Xhavit Dakaj dhe Yannick du Pont, drejtori i Stichting Spark-ut të Holandës, kanë nënshkruar sot një Memorandum Mirëkuptimi për Ndërtimin e Kolegjit Ndërkombëtarë të Biznesit në Mitrovicë (IBCM).

Ky Memorandum Mirëkuptimi, konfirmon se partnerët e lartpërmendur, dëshirojnë të bashkëpunojnë në zhvillimin dhe ndërtimin e Kolegjit Ndërkombëtarë të Biznesit në Mitrovicë, në Republikën e Kosovës, brenda një projekti të realizuar nga Spark-u, me qëllim që të themelohet një institucion i lartë profesional, i qëndrueshëm dhe gjithpërfshirës.

Kolegji Ndërkombëtarë i Biznesit në Mitrovicë, ka për qëllim përgatitjen e shërbyesve civil profesional dhe udhëheqësve të biznesit në regjionin e Mitrovicës, të mësuar që të punojnë në ekipe shumëetnike për tregjet e Kosovës, të regjionit dhe atyre europiane, përmirësimin e mundësisë së punësimit të të diplomuarve në këtë kolegj, si dhe integrimin e Kosovës në Bashkimin Evropian.

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)