01 Tetor 2020

MASHT dhe SBASHK pajtohen rreth Kontratës së re Kolektive

Prishtinë, 15 shtator - Ministri i Arsimit, Shkencës dhe Tekonlogjisë, Ramë Buja, ka takuar sot kryetarin e SBASHK-ut, Ali Shabnaj me bashkëpunëtorë,  me ç`rast biseduan për krijimin e komisioneve nga ana e MASHT-it  dhe SBASH-ut , të cilët do të punonin në harmonizimin e qëndrimeve rreth Draftit të Kontratës Kolektive të hartuar paraprakisht nga SBASHK-u.

Kontrata e re Kolektive  do të  hartohet në përputhje me Ligjin e Ri të Arsimit Parauniversitar dhe të dokumenteve tjera strategjike arsimore të miratuara ndërkohë nga Kuvendi i Republikës së Kosovës.

Ministri Buja , falenderoi kryetarin Shabanaj për angazhim  dhe bashkëpunim konstruktiv  dhe shtoi se MASHT-i do të formojë  komisionin për këtë çështje në kohën e duhur . “Ne jemi të përkushtuar që të kemi dokumente të qëndrueshme, funksionale dhe të zbatueshme në praktikë , të krijojmë ambient të mirë për mësimdhënie dhe mësimnxënie – arsim cilësor”.

Kryetari Shabanaj tha se SBASHK-u, poashtu angazhohet me këmbëngulësi në këtë drejtim   dhe kërkoi që në të ardhmen  të implementohen me përpikmëri Ligjet dhe dokumentet e reja të miratuara.

Ai rikujtoi se ende nuk është kryer çështja e licencimit të arsimtarëve dhe shtoi se ky proces është mjaft i rëndësishëm. Shabanaj, gjithashtu tha se duhet të ndërpritet laryshija që ekziston në komuna të ndryshme  të Kosovës lidhur më kontratat e përkohshme (1 vjeqare ) dhe kontratat e përhershme (5 vjeqare)  të punës për arsimtarët . Sipas tij, këto kontrata  në disa komuna janë 3, e në disa 5 vjeqare. Andaj duhet te nderpritet kjo praktikë.

Në këtë takim u fol edhe  për vazhdimin e procesit të trajnimit të mësimdhënsve për programin ECDL .

Në këtë drejtim  SBASHK-u , ofroi kapacitetet e veta trajnuese, të cilat sipas Shabanaj ekzistojnë  në disa qendra të Kosovës . Ai, gjithashtu, ofroi mundësinë e trajnimit të 20 zyrtarëve të MASHT-it për këtë program që përmban  7 module.

Kalendari

Ngjarjet e datës 1 Tetor 2020 - Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Mbahet seanca gjyqësore kundër Faik Grainca për keqpërdorim të pozitës apo i autoritetit zyrtar nga neni 422 paragrafi 1 të KPRK. (Gjykata Themelore në Ferizaj, salla nr.3, ora 9:30)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Lëvizja Vetëvendosje mban konferencë për media. (Zyret e LV-së në Arbëri, ora 12:00)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)