01 Tetor 2020

MASHT dhe KE thellojnë bashkëpunimin në arsim

Prishtinë, 18 tetor - Ministri i Arsimit, Shkencës dhe Teknologjisë, Ramë Buja, priti sot në një takim znj. Sophi Beaumon Zyra Ndërlidhëse e Komisionit Evropian  dhe Anders Lonnqvist, udhëheqës i projektit  SWAP (Qasje ndërsektoriale në arsim) të financuar nga KE.

Ministri Buja ka falënderuar Komisioni Evropian për kontributin që po jep më qëllim të zhvillimit të proceseve arsimore në Kosovë në veçanti për përkrahjen dhënë ngritjes së performancës së mësimdhënësve që realisht po ndikon në ngritjen e cilësisë së arsimit.

 “Jemi të përkushtuar të punojmë në ngritjen e cilësisë  në arsim dhe në këtë drejtim kemi llogaritur mbështetjen tuaj”, ka thënë ministri Buja.

Minsitri Buja  tha se është formuar TASK –forca për implementim të Planit Strategjik 2011-12, si dhe do të formohen edhe mekanizmat tjerë përcjëllës për këtë çështje. 

Për këtë qëllim,  ministri Buja paralajmëroi nënshkrimin e një Memorandumi Mirëkuptimi  ndërministror, ku nënshkrues do të jenë edhe mbështetës ndërkombëtarë të proceseve të arsimit në Kosovë.

Sophi Beaumon, nga ana e saj, foli për projektet që KE ka financuar deri më tani dhe shtoi se edhe në të ardhmen nuk do të mungojë kjo mbëshetje. Ajo përgëzoi MASHT –in për hartimin e Planit Strategjik 2011-2016, i cili do të implementohet me mbështetjen  e programeve të KE-së përfshirë këtu edhe IPA-n.

Znj. Beaumon  ka lavdëruar edhe punën e Autoritetit Kombëtarë të Kualifikimeve, ndërkaq foli edhe për projektin e Teknologjisë Informative  në komuna dhe shkolla, ku tha se shpejtë do të organizohet një prezantim publik  ku në një  shkollë  do të  demonstrohet praktikisht  se si funksionon në fakt ky sistem .

Udhëheqësi i sapoemëruar i projektit SWAP në Kosovë, Anders Lonnqvist,  shtroi nevojën e organizimit të një punëtorie në nëntor të këtij viti  ku do të bëhej  planifikimi buxhetor për implementim të Planit Strategjik 2011-2012 me të cilin do të njoftoheshin edhe donatorët.

Ai përmendi edhe mbështetjen financiare profesionale të KE së për Kornizën e Kurrikulës së re të Kosovës dhe vazhdimin e punës në hartimin e kurrikulave bërthamë.

Ministri Buja dhe përfaqësuesit e KE-së, znj.Beaumon dhe z.Anderson, u dakorduan që në janar të vitit të ardhshëm të bëhet rishikimi i përbashkët i të gjitha projekteve  arsimore në Kosovë të financuara nga KE  dhe mekanizmave tjerë Evropian.

 

Kalendari

Ngjarjet e datës 1 Tetor 2020 - Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Mbahet seanca gjyqësore kundër Faik Grainca për keqpërdorim të pozitës apo i autoritetit zyrtar nga neni 422 paragrafi 1 të KPRK. (Gjykata Themelore në Ferizaj, salla nr.3, ora 9:30)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Lëvizja Vetëvendosje mban konferencë për media. (Zyret e LV-së në Arbëri, ora 12:00)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)