16 Shtator 2019

Let’s Do It kundërshton ndryshimin e emrit të SHFMU “Shkolla e Gjelbër”

Prishtinë, 11 shkurt - Organizata Let’s Do It përmes këtij reagimi kundërshton ndryshimin e emrit të Shkollës Fillore dhe të Mesme të Ulët “Shkolla e Gjelbër” në Prishtinë, propozuar nga disa asambleistë në mbledhjen e Kuvendit Komunal të Prishtinës të mbajtur më 05.02.2019.

Let’s Do It përkrah reagimin e Këshillit Drejtues të kësaj shkolle, për faktin se një iniciativë e tillë është ndërmarrë dhe është kërkuar të hidhet në votim pa konsultim me Këshillin, Drejtorinë Komunale të Arsimit dhe Ministrinë e Arsimit, Shkencës dhe Teknologjisë.

Emërtimi i kësaj shkolle, si “Shkollë e Gjelbër” është bërë për shkak të karakteristikave që posedon shkolla, e të cilat janë unike përveç në Kosovë, edhe në rajon. Andaj, Let’s Do It vlerëson se e njëjta do të duhej të merrej model nga shkolla tjetër, e jo të vetmes të këtij lloji t’i ndryshohet emri.

“Shkolla e Gjelbër” është një projekt unik, duke filluar nga koncepti arkitektonik, përdorimin e infrastrukturës si dhe përzgjedhja e materialeve të ‘gjelbëra’ dhe të recikluara.

“Shkolla e Gjelbër” është e vetmja që karakterizohet me shumë aktivitete me qëllim të ruajtjes së mjedisit, përdorimit të sistemeve të ndryshme, me qëllim të reduktimit të konsumit të energjisë dhe rritjes së energjisë së prodhuar, krijimi i edukimit për energji të ripërtërirjes dhe krijimit të modeleve të ndryshme të replikueshme në të ardhmen.

Tutje, Let’s Do It kërkon sa më shumë përkrahje për projekte të tilla, siç është ky i “Shkollës së Gjelbër”, në mënyrë që të rritet vetëdija e fëmijëve për ruajtjen e mjedisit dhe shtjellimit të ideve kreative në fushën e mjedisit.
 

Kalendari

Ngjarjet e datës 16 shtator 2019

- Fillon edicioni i dytë i konferencës më të madhe për zhvillimin e qëndrueshëm në rajon më temë 'Mbrojtja e mjedisit: kërkim për qeverisje të mirë dhe thirrje për bashkëpunim rajonal'. (Hotel Emerald, ora 9:30)

- Kryetari i Komunës së Prizrenit, Mytaher Haskuka, do të marr pjesë në përurimin ei analizave të reja laboratorike në QMF-në në Reçane, ku i pranishëm do të jetë edhe drejtori i Drejtorisë së Shëndetësisë, Visar Shehu.(Reçane, ora 9:30)

- Nën moton “Pjesëmarrja“, për të 11-in vit me radhë, Kuvendi i Republikës së Kosovës shënon Ditën Ndërkombëtare të Demokracisë ku qytetarë, studentë dhe nxënës do të vizitojnë ndërtesën e legjislativit të vendit dhe do të njihen me punën e përfaqësuesve të tyre të zgjedhur. (Ndërtesa e Kuvendit, ora 9:30)

- Komuna e Prizrenit bën hapja e Javës 'Shtigjeve të Lirisë' ku do të ketë fjalë rasti edhe nga kryetari i Komunës, Mytaher Haskuka. (Prizren, ora 10:30)

- Në kuadër të Ditës Ndërkombëtare të Demokracisë bëhet hapja e panairit të organizatave të shoqërisë civile. (Oborri i Kuvendit, ora 10:50)

- Ministri i Kulturës, Rinisë dhe Sportit, Kujtim Gashi takon Kryetarin e Komunës, Agim Aliu, me të cilin edhe do të nënshkruajë një memorandum bashkëpunimi për 'Ndërtimin e Qendrës Multifunksionale'. (Komuna e Ferizajit, ora 11:00)

- Partia Demokratike dega në Prizren, do të mbajë një koferencë për media. (Zyrët e PDK-së në Prizren, ora 11:00)

- Në kuadër të Ditës Ndërkombëtare të Demokracisë mbahet kuizi i demokracisë. (Holli i Kuvendit, ora 11:30)

- Lëvizja FOL organizon diskutimin e parë në kuadër të Forumit FOL Hapur me kandidatët për Kryeministër/e të Kosovës. E ftuara e parë do të jetë znj. Vjosa Osmani, Kandidate për Kryeministre nga Lidhja Demokratike e Kosovës. (Zyrat e Lëvizjes FOL, ora 12:00)

- Kryetari i Komunës së Prizrenit, Mytaher Haskuka, do të marr pjesë në aktivitetin në Nashec tek lapidari i komandantit Remzi Ademaj. (Nashec, ora 12:00)

- Ministri i Mjedisit dhe Planifikimit Hapësinor, Fatmir Matoshi, do të pres në takim Ministrin e Ministrisë së Mjedisit Jetësor dhe Planifikimit Hapësinor nga Republika e Maqedonisë së Veriut, Naser Nuredini, me të cilin do të bisedojnë rreth bashkëpunimit mes dy shteteve në fushat përkatëse. (Kabineti i Ministrit Matoshi, ora 12:30)

- Në kuadër të Ditës Ndërkombëtare të Demokracisë mbahet debat publik “Transparenca dhe pjesëmarrja qytetare në Kuvend”. (Ndërtesa e Kuvendit, salla 405, ora 13:30)

- Kryetari i Lëvizjes Vetëvendosje! Albin Kurti viziton fabrikën "Jatex". (Gjakovë, 14:00)

- Komisioni Qendror i Zgjedhjeve mbanë mbledhjen e radhës. (Objekti i KQZ-së, ora 14:30)

- Kryetari i Lëvizjes Vetëvendosje! Albin Kurti viziton disa bujq. (Gjakovë, 15:00)

- Kandidatja e LDK-së për Kryeministre, Dr. Vjosa Osmani, takohet me strukturat dhe qytetarët e Istogut. (Qendra e qytetit te Istogut, ora 16:00)

- Mbahet ceremonia e varrimit të veprimtarit të shquar romë, Nexhip Menekshe. (Varrezat e Prizrenit, ora 16:00)

- Kryetari i Lëvizjes Vetëvendosje! Albin Kurti viziton Shoqatën e Zejtarëve. (Gjakovë, 16:20)

- Mbahet ceremonia solemne e hapjes zyrtare të zyrës së re qëndore të Bankës Raiffeisen. (Zyra e re ndodhet në rrugën Robert Doll, ora 17:30)

- Kryetari i Lëvizjes Vetëvendosje! Albin Kurti takohet me Tomor Morinën. (Gjakovë, 17:40)

- Kandidatja e LDK-së për Kryeministre, Dr. Vjosa Osmani viziton vendlindjen e Presidentit Historik Dr. Ibrahim Rugova, në Cerrcë dhe takohet me strukturat dhe banorët e fshatit.. (Fshati Cerrcë, ora 18:00)