01 Tetor 2020

LDK: MASHT diskriminon qytetarët e Kosovës

Prishtinë, 24 nëntor - Lidhja Demokratike e Kosovës (LDK) ka vlërësuar se qeveria, me Buxhetin e viti 2012, në fushën e arsimit, sa u takon investimeve kapitale, ka diskriminuar qytetarët e Kosovës, sepse ka bërë shpërndarje të padrejtë, duke favorizuar komunat që udhëheq PDK-ja, edhe pse më shumë se gjysma e popullsisë së vendit jeton në komunat e tjera.

Qeveria sipas LDK-së edhe në këtë rast e dëshmon se nuk punon për interesat e të gjithë qytetarëve të Kosovës, por për interesat e veta të ngushta.

"Investimet kapitale në fushën e arsimit, të projektuara në Buxhetin 2012, përpos diskriminimit, shoqërohen me mashtrime të mëdha, meqë edhe projekte të vitit 2010 futen si projekte të vitit 2012, për të fryrë kështu kot shumën e investimeve. Po theksojmë se këtë nuk janë projekte të bartura, por projekte që do duhej të ishin kryer 2 vite më parë", thuhet në vlerësimin e ekspreteve të kësaj partie.

Saktësisht, në fushën e arsimit, për vitin 2012 Qeveria ka projektuar të investojë 24.3 milionë euro, që përbën 3.9 % të investimeve kapitale të shpallura prej 616 milionë eurosh.

Nga kjo shumë, vetëm 2.5 milionë euro u takojnë projekteve të reja, meqë të tjerat janë projekte të bartura që nga viti 2010. Vetëm në Kosovë ndërtimi i një shkolle mund të zgjasë 3 vjet, pasi MASHT-i me pak milionë në vitin 2010 ka nisur me dhjeta shkolla, të cilat tani sërish figurojnë në Buxhetin e vitit 2012, meqë Qeveria nuk i ka paguar ende kontraktorët. Ju rikujtojmë se, sipas Raportit të Progresit 2011, Qeveria ka 32 milionë euro obligime të pashlyera.

Në anën tjetër, siç kanë vlerësuar ekspertët e LDK-së, shpërndarja e investimeve kapitale në fushën e arsimit nëpër komuna është e padrejtë dhe tepër diskriminuese.

Në komunat e qeverisura nga LDK-ja: Prishtina, Fushë-Kosova, Podujeva, Istogu, Obiliqi, Novobërda, jeton rreth 40 % e popullsisë së Kosovës, ndërsa këto komuna do të marrin vetëm 19% të buxhetit për ndërtimin e shkollave.

Prishtina ka 55 mijë nxënës në shkollat fillore dhe ato të mesme, apo rreth 15% të numrit total të nxënësve në Republikën e Kosovës, ndërsa merr 4% të buxhetit për ndërtimin e shkollave që bën Ministria e Arsimit (apo 575 mijë euro nga 14.3 milionë).

Vetëm Skënderaj sipas LDK-së do të përfitojë thuajse trefish më shumë buxhet për ndërtimin e shkollave nga Ministria e Arsimit (1.43 milionë nga 14.3 milionë sa investon Ministria e Arsimit në ndërtimin e shkollave).


Në anen tjetër Ministria e Arsimit, Shkencës dhe Teknologjisë (MAShT) i vlerëson si të paqëndrueshme konstatimet e ekipit të ekspertëve të Arsimit, Shkencës dhe Teknologjisë të LDK-së rreth shtrirjes së investimeve kapitale, si dhe akuzat për favorizim të komunave që udhëheqë PDK-ja.

Qeveria e Kosovës, gjegjësisht MAShT-i, bazuar në numrin e nxënësve, në kontinuitet ka hartuar Planin Strategjik të investimeve kapitale në fushën e arsimit.

Vetëm gjatë tre viteve të fundit të qeverisjes janë realizuar 227 projekte, në mesin e tyre 79 objekte shkollore, ndërkaq për vitin 2012 është planifikuar ndërtimi i ri si dhe përmbyllja e investimeve në 63 objekte arsimore.

"Synim yni ishte ndërtimi i së paku një shkolle të mesme në çdo qendër komunale. Në investimet për vitin 2012 është paraparë ndërtimi i gjashtë objekteve shkollore në komunat që qeverisë LDK-ja dhe që kapin vlerën prej 3,202,500.00 euro. Në komunat ku qeverisë AAK, MAShT për vitin 2012 ka paraparë ndërtimin e 5 objekteve shkollore që kapin vlerën prej 3,810,000.00 euro", thuhet ne reagimin e MASHT.

 
 

Kalendari

Ngjarjet e datës 1 Tetor 2020 - Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Mbahet seanca gjyqësore kundër Faik Grainca për keqpërdorim të pozitës apo i autoritetit zyrtar nga neni 422 paragrafi 1 të KPRK. (Gjykata Themelore në Ferizaj, salla nr.3, ora 9:30)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Lëvizja Vetëvendosje mban konferencë për media. (Zyret e LV-së në Arbëri, ora 12:00)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)