19 Gusht 2019

LDK kërkon shkarkimin e Rexhep Hotit, koordinatorit nacional për rini

Prishtinë, 16 maj - Lidhja Demokratike e Kosovës ka kritikuar ashpër Koordinatorin Nacional për Kulturë, Rini dhe Sport në Qeverinë e Republikës së Kosovës, Rexhep Hoti i cili së fundi ishte organizator  i “Garës Nacionale të Diturisë” në të gjitha shkollat e vendit.

Lidhur me këtë deputetja e LDK-së, Valentina Bunjaku  në emër të grupit parlamentar të LDK-së ka kërkuar shkarkimin e koordinatorit Rexhep Hoti.

“LDK kërkon që të shkarkohet menjëherë koordinatori i programit nacional, Rexhep Hoti, të ndërpritet programi nacional për rini që kohë më parë është miratuar nga Qeveria, të mos vazhdohet shpenzimi kot i mjeteve financiare por këto mjete të kthehen dhe të dedikohen për drejtoritë e komunave dhe shkollave tona dhe të ndahen edhe për bursa për studentët e dalluar, të ndalohet gara e këtij lloji skandaloz, të kërkohet hetim për mënyrën e shfrytëzimit të parasë publike nga koordinatori i programit nacional”, ka thënë Bunjaku.

Ajo ka kërkuar që përgjegjësinë e aktiviteteve brenda shkollave duhet ta merr ministria e Arsimit e jo të përzihen kompetencat mes ministrisë së Kulturës e Arsimit.

Deputetja ka paraqitur disa nga dështimet që sipas saj kanë ndodhur ditën kur është mbajtur testi.

Sipas saj me të filluar testimi ato janë shpërndarë në rrjetet sociale.

Ajo ka bërë të ditur se do të thërrasin në interpelancë kryeministrin Ramush Haradinaj dhe ministrin e Arsimit Shyqiri Bytyqi për këtë çështje.

Kalendari

Ngjarjet e datës 19 gusht 2019 - Mbahet mbledhja e Komiteti për Politik dhe Financa e Komunës së Rahovecit. (Komuna e Rahovecit, ora 10:00)

- Shoqata "Miqtë e Amerikës" festojnë ditëlindjen e mikut të madh të shqiptarve e mbar njerëzimit ish Presidentit të SHBA, Billi Clinton . (Zyret e shoqatës "Miqtë e Amerikës", që gjendet afë Agjencisë së Statistikave të Kosovës përball Parlamentit, ora 11:00)

- Mbahet ceremonia solemne e hapjes së punimeve të Seminarit XXXVIII Ndërkombëtar për Gjuhën, Letërsinë dhe Kulturën Shqiptare. (Biblioteka Universitare, ora 11:00)

- Kryeministri në detyrë, Ramush Haradinaj, merr pjesë në ceremoninë solemne të hapjes së punimeve të Seminarit XXXVIII Ndërkombëtar për Gjuhën, Letërsinë dhe Kulturën Shqiptare. (Salla e kuqe, Fakulteti i Filologjisë, ora 11:00)

- Komuna e Prizrenit dhe Ministria e Kulturës, Rinisë dhe Sportit bëjn përurimin e Stadiumit Ndihmës në lokacionin Boka Boka. (Fshati Korishë në Prizren, ora 11:00)

- Bëhet shfaqja për media e filmit "Shpia e Agës" i Lendita Zeqirit (Kinema Cineplexx, ora 13:00)

-  Komuna e Prizrenit në kuadër të hartimit të buxhetit për vitin 2020 do të organizojë dëgjime publike me banorët e rajonit të Hasit dhe Anadrinit, me qëllim të angazhimit të tyre në procesin e hartimit të buxhetit, transparencës, gjithëpërfshirjes dhe llogaridhënies ndaj qytetarëve. (Shtëpia e Kulturës në Gjonaj, ora 19:00)