22 Prill 2021

Kosova e Maqedonia intensifikojnë bashkëpunimin në arsim

Prishtinë, 6 tetor - Ministri i Arsimit, Shkencës dhe Teknologjisë (MASHT), Ramë Buja i shoqëruar nga zëvendësministri, Nehat Mustafa, pritën sot në takim zëvendësministrin e Arsimit të Maqedonisë, Safet Neziri.

Ministri Buja dhe zëvendësministri, Neziri janë pajtuar që Qeveria e Kosovës dhe Maqedonisë të intensifikojnë bashkëpunimin e tyre në sferën e arsimit.

Ministri i Arsimit në Republikën e Kosovës theksoi se, në takim është diskutuar për çështje të ndryshme, të cilat e përcjellin arsimin në Kosovë, porse biseda u fokusua në bashkëpunimin e shtuar dhe ndihmën e ndërsjellë në fushën e arsimit, e cila do të përfundojë me një memorandum bashkëpunimi, i cili pritet të nënshkruhet në të ardhmen.

Ministri Buja, po ashtu, vlerësoi se procesi i integrimit të komunitetit serb në institucionet arsimore të Kosovës është duke shkuar mirë dhe se arritjet në këtë drejtim janë të prekshme.

Në konferencën për media, ministri i Arsimit u përgjijgj edhe në interesimin e gazetarëve rreth vendimit të MAShT-it për regjistrimin e maturantëve nga Lugina e Preshevës dhe Mali i Zi, të cilët kanë përfunduar mësimet me sukses të shkëlqyeshëm. Ministri Buja tha se, studentët e këtyre vendeve do të kenë mundësi të vijojnë studimet  në Universitetin Publik të Prishtinës dhe atë të Prizrenit pa ndonjë problem.

Ndërsa, zëvendësministri Neziri foli  për çështjen e njohjes së diplomave për studentët të cilët përfundojnë studimet në Universitetet Publike të Kosovës, çështje kjo e cila do të rregullohet në të ardhmen.

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)