01 Shkurt 2023

Komuna e Mitrovicës ndan 40 bursa për studentë

Mitrovicë, 29 prill - Kryetari i Komunës së Mitrovicës, Avni Kastrati, në një ceremoni rasti të organizuar të premten ka dorëzuar në mënyrë solemne kontratat për 40 studentë që kanë përfituar bursat që kanë ndarë komuna.

Ai u ka uruar sukses këtyre studentëve, duke shprehur dëshirën që më këto mjete sado pak t’u dilet në ndihmë.

Kryetari Kastrati, ka theksuar se Komuna e Mitrovicës çdo vit është duke ndarë nga 40 bursa në vlerë prej 50 eurosh për studentët që plotësojnë kriteret e parapara me konkurs.

Ai ka shprehur keqardhje që mundësia e komunës nuk është më e madhe në mënyrë që t’u ndihmohet një numri edhe më të madh të studentëve.
 

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)