25 Shkurt 2020

KMDLNJ kërkon nga UP studentët të lirohen nga pagesat kur nuk marrin shërbime

Prishtinë, 12 shtator - Përfaqësues të KMDLNj-së me datë 11.09.2019 u takuan me rektorin e Universitetit të Prishtinës, Marjan Dema për të diskutuar për gjendjen e përgjithshme në universitetin publik.

KMDLNj i shprehu pikëpamjet e saj në raport mbi gjendjen e përgjithsme duke vënë në në pah të arriturat që i ka pasur UP por edhe vështirësitë dhe sfidat e të ardhmes me të cilat u pajtuan edhe rektori Dema.

Rektori Dema duke e falenderuar KMDLNj-në për ndihmën e dhënë në shumë procese të cilat kanë ndihmuar UP që të ecë në rrugën e drejtë prezantoi sfidat dhe projektet aktuale që janë duke u implementuar në UP.

Në këtë takim u dakorduam për marrëveshje bashkëpunimi e cila u mundëson studentëve të Universitetit “Hasan Prishtina” mbajtjen e praktikës profesionale në Këshillin për Mbrojtjen e të Drejtave e të Lirive të Njeriut, pasi që deri më tani KMDLNj kishte marrëveshje të veçanta me katedra të veçanta të UP për mbajtjen e praktikës profesionale për studentë.

Gjithashtu, u diskutuan edhe për 3 raste të cilat janë paraqitur në KMDLNj, studentë të nivelit të doktoraturës në Fakultetin Ekonomik, ku këta studentë po obligohen të paguajnë për kohën kur nuk kanë marrë shërbime nga fakulteti i tyre.

Problem tjetër i këtyre studentëve është edhe mungesa e mentorit. Këta studentë kanë përfunduar me sukses të gjtha provimet por pasi që në Fakultetin Ekonomik ka numër të kufizuar të profesorëve të cilët mund të mentorojnë studentë për punim diplome janë ende në pritje , pa fajin e tyre.

KMDLNj është duke u marrë një kohë të gjatë me këtë problematikë dhe ka kërkuar nga Rektori Dema, përkatësisht UP që këta studentë të lirohen nga pagesat për kohën kur nuk kanë marrë shërbime nga UP, përkatësisht nga Fakulteti Ekonomik, të u zgjatet afati për vazhdim të studimeve të cilëve pa të drejtë u është bërë pengesë për përfundim të doktoraturës në mungesë mentori dhe të gjindet zgjidhje për caktimin e mentorëve për këta studentë.

Rektori Dema u zotua se do të ofrojë gjithë ndihmën e tij dhe të institucionit që ai përfaqëson për rastet e prezantuara nga përfaqësuesit e KMDLNj-së.

Kurse, KMDLNj e falenderuan rektorin Dema për përkrahjen dhe bashkëpunimin i cili ka qenë shumë i frytshëm duke shpresuar që të vazhdojë edhe në të ardhmen.
 

Kalendari

Ngjarjet e datës 25 shkurt 2020 - Ministri i MPBAP-së, Agim Veliu do ta vizitojë Policinë i cili do të pritet nga drejtori i Përgjithshëm i PK-së, Rashit Qalaj. (Drejtoria e Përgjithshëm, ora 10:00)

- Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00)

- Ministri i MPBAP-së, Agim Veliu do ta vizitojë Kampinë e policisë “Vrella“ Sllatinë. (Kampi Vrella në Sllatinë, ora 10:45)

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Kryeministri Albin Kurti pret në takim delegatin Apostolik të Vatikanit për Kosovë, Jean Marie Speich. (Ndërtesa e Qeverisë, ora 12:30 - vetëm pamje)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)

- Kryeministri Albin Kurti pret në takim delegacionin e Fondit Monetar Ndërkombëtar. (Ndërtesa e Qeverisë, ora 15:00  - vetëm pamje)

- Ipeshkvia e Prizrenit organizon meshën e shenjtë kushtuar e Imzot Nikë Prelës në 24 vjetorin e kalimit në amshim. (Katedralja “Nëna Terezë”, nga ora 16:00)

- Ministrja e Arsimit, Shkencës, Teknologjisë dhe Inovacionit, Hykmete Bajrami, së bashku me kryetarin e Komunës së Kamenicës, Qëndron Kastrati, do të mbajnë konferencë të përbashkët për media, lidhur me çështjen e riorganizimit të procesit mësimor në komunën e Kamenicës.  (MAShTI, ora 16:00

- Fondacioni Shtatëmbëdhjetë organizon hapjen e ekspozitës Infrared: Additions. (Rr. Henrik Bariq, nr 5,  Shtatëmbëdhjetë, Prishtinë, ora 18:00)