05 Mars 2021

Integrimi i minoriteteve në shkolla një hap i madh përpara

Prishtinë, 15 nëntor - I shoqëruar nga Ministrja e Integrimit Evropian, Vlora Çitaku, Zëvendësministri i Arsimit, Nehat Mustafa, si dhe shefi i zyres së UNICEF-it, Johannes Wedenig, Ushtruesi i Detyrës së Shefit të Zyrës Ndërlidhëse të KE-së vizitoi shkollën "Selman Riza" në Fushë Kosovë, e cila kohëve të fundit ka integruar 42 fëmijë të këtyre komuniteteve të cilët nuk kanë vijuar shkollimin për disa vite me radhë.

"Është e mrekullueshme të shohësh gjithë këta fëmijë që tani janë duke vijuar shkollimin. Ky është një hap i madh përpara dhe një shembull që duhet ta ndjekin edhe shkollat e tjera. Shumë fëmijë të tjerë në Kosovë po ballafaqohen me pengesa për vijimin e mësimit. Duhet bërë përpjekje edhe më të mëdha për të siguruar që çdo fëmijë të mund të gëzojë të drejtën e  vet për të pasur qasje në shkollim," theksoi Khaldoun Sinno.

Gjatë një konference të BE-së për përfshirjen e romëve, ashkalive dhe egjiptianëve, të mbajtur në muajin maj, OJQ Partneriteti i Ideve ua tërhoqi vëmendjen e Ministres Çitaku dhe Zyrës Ndërlidhëse të KE-së për problemin e fëmijëve të komuniteteve rome, ashkali dhe egjiptiane që nuk vijojnë shkollimin në shkollën "Selman Riza". Është dashur të tejkalohen disa pengesa administrative për të siguruar regjistrimin e këtij grupi të fëmijëve që nuk vijonin shkollimin të cilët deri më tani janë këshilluar dhe mësuar nga kjo OJQ. Pengesë e veçantë ka qenë testi i regjistrimit për fëmijët të cilët nuk kishin vijuar shkollimin për më shumë se dy vite.

Me një përpjekje të përbashkët të OJQ-së Partneriteti i Ideve, Ministres së Integrimit Evropian dhe Ministrit të Arsimit, shumica e këtij grupi të fëmijëve që nuk vijonin shkollimin u regjistruan për vitin shkollor prej shtatorit 2011 dhe që nga atëherë janë duke vijuar mësimin.

"Për secilin prej këtyre fëmijëve, një vend në shkollën e rregullt ishte edhe e drejtë por edhe mundësi. Organizata Partneriteti i Ideve është shumë e kënaqur që këta fëmijë sot janë në bankat shkollore, sepse kjo nuk është mirë vetëm për këta individë por edhe për shoqërinë pjesë e të cilës janë ata. Tani që këta fëmijë gëzojnë të drejtën e tyre kushtetuese, ata do të rriten dhe të punojnë, të paguajnë tatimin dhe të bëjnë Kosovën një vend më të mirë për vete dhe për fqinjët e tyre. Testi i suksesit të Kosovës në përpjekjet që kemi bërë të gjithë ne që t’i sjellim ata këtu do të jetë nëse vazhdojmë të përkujdesemi që ata të dijnë se duhet të jenë në shkollë, se janë të mirëseardhur në shkollë dhe se do të aftësohen që të arrijnë rezultate të mira në shkollë," tha Elizabeth Gowing nga OJQ Partneriteti i Ideve.

Mbrojtja e të drejtave të pakicave është një ndër kriteret e Kopenhagës në procesin e integrimit evropian dhe po ashtu edhe një ndër pikat kryesore në dialogun e ardhshëm për liberalizimin e vizave ndërmjet Komisionit Evropian dhe Qeverisë së Kosovës.
 

Kalendari

Ngjarjet e datës 5 Mars 2021  - Kuvendi komunal i Prishtinës mban seancë solemne për nder të shënimit të Epopesë së Ushtrisë Çlirimtare të Kosovës. (Objekti i komunës së vjetër, ora 9:00)

- Kryetari i Partisë Demokratike të Kosovës, Enver Hoxhaj me bashkëpunëtorë do të bëjnë homazhe në Kompleksin Memorial në Prekaz në nderim të sakrificës së Familjes Jashari, në 23 vjetorin e "Epopesë së UÇK-së". (Kompleksi Memorial në Prekaz, ora 9:45)

- Komuna e Prizrenit do te mbajë seancë solemne me rastin e 23 vjetorit të Epopesë së UÇK-së. (Salla e Kuvendit e Komunës në Shtëpinë e Bardhë, ora 10:00)

- Kuvendi komunal i Pejës  mban seancë solemne për nder të shënimit të Epopesë së Ushtrisë Çlirimtare të Kosovës. (Salla e Kuvendit Komunal të Pejës, ora 10:00)

- Mbahet ceremonia e nënshkrimit të Memorandumit të Mirëkuptimit ndërmjet Universitetit të Prishtinës “Hasan Prishtina” dhe Projektit “Heras Plus”. (Rektorati i UP-së, ora 10:00)

- Mbahet seanca solemne e Kuvendit të Komunës së Gjilanit, e cila mbahet për nderë të shënimit të Manifetimit “Epopeja e UÇK-së”. (Salla e mbledhjeve të KK-Gjilan, ora 10:00)

- Kryetar i Partisë Liberale Egjiptiane dorëzon ankesë në PZAP lidhur me procesin zgjedhore dhe orkestrimin e votave nga Lista Serbe duke e mbështetur  kunderligjshëm ' Romani Iniciativa". (PZAP, ora 10:00)

- Komuna e Prishtinës mban konferencë për media në të cilën do të behët prezentimi i planit te renovimit te soliterave në lagjen "Ulpiana". (Ndërtesa e vjeter e Komunës, ora 11:00)

- Fondi për Popullsi i Kombeve të Bashkuara lanson kampanjën “bashkë kundër covid-19”. (Instituti Kombëtar i Shëndetësisë Publike, ora 11:00)

- Hapet ekspozita “Kujtesa e Kosovës - Adem Jashari - rrëfime për të bëmat dhe heroizmin”. (Biblioteka Kombëtare “Pjetër Bogdani”, ora 11:00)

- Në Gjykatën Speciale mbahet seanca e radhës ndaj Salih Mustafës. (Selia e gjykatës në Hagë, ora 11:00)

- Mbahet manifestimi qendror, Parada e FSK-së, për nder të 23 - vjetorit të Epopesë së Ushtrisë Çlirimtare të Kosovës, në kujtim të Komandantit Legjendar Adem Jashari, familjes Jashari dhe të gjithë Dëshmorëve të kombit, si dhe të gjithë të rënëve për liri. (Kazerma ''Adem Jashari'' të FSK-së në Prishtinë, ora 12:00)

- Presidentja e Republikës së Kosovës, dr. Vjosa Osmani Sadriu dhe Kryeministri në detyrë, Avdullah Hoti do të marrin pjesë dhe do të mbajë një fjalë rasti në ceremoninë e FSK-së cila organizohet për nder të “Epopesë së UÇK-së”. (Kazerma “Adem Jashari” në Prishtinë, ora 12:00)

- Mbahet turniri në futsall. (Pallati i Rinisë, Prishtinë, ora 18:00)