18 Nëntor 2019

Hapen qendrat e kompetencës në Malishevë dhe Skenderaj

Malishevë, Skenderaj, 28 qershor - Dy qendrat e kompetencës në Malishevë dhe Skenderaj, të cilat janë edhe më modernet në rajon, janë hapur sot edhe zyrtarisht. Me ceremoni festive është përmbyllur kështu ky projekt i madh dhe shumë i rëndësishëm për arsimin profesional, e që është bashkëfinancim i Qeverisë së Norvegjisë dhe MASHT-it.

Në hapjen e të dy qendrave, ka marrë pjesë ministri i Arsimit, Shkencës dhe Teknologjisë, Ramë Buja, ambasadori i Norvegjisë në Kosovë, Sverre Johan Kvale, kryetarët e dy komunave Isni Kilaj e Sami Lushtaku dhe personalitete të shumta nga vendi e ambasadorë.

Në ceremonitë festive të hapjes së qendrave, ministri Buja ka falënderuar të gjithë ata që kanë dhënë kontributin e tyre për këtë projekt madhor për arsimin në Kosovë. Në veçanti, ministri ka falënderuar ambasadorin e Norvegjisë për angazhimin e tij, si  dhe qeverinë norvegjeze.
 

“Këto dy qendra që ne po i promovojmë sot, nuk kanë vetëm cilësi ndërtimore, por edhe pedagogjike dhe kjo na ndihmon shumë. Jam shumë i gëzuar, sepse këto dy qendra, e rrisin nivelin e cilësisë në arsimin profesional, për çka jemi shumë të interesuar”, tha ai.

Ministri Buja, tha se sot po promovohen dy objekte që nuk i ka askush tjetër në rajon, prandaj ai porositi nxënësit dhe mësimdhënësit që të ruajnë këto objekte moderne. “Është lehtë ta realizosh, por vështirë ta ruash e avancosh. Kështu që, porosia ime është që ta ruani dhe avanconi këtë qendër”, tha ministri Buja.

Ambasadori i Norvegjisë, Sverre Johan Kvale, vlerësoi se sot është një ditë e madhe për Kosovën dhe arsimin kosovar.  Ai përmendi faktin se Kosova ka një popullsi shumë të re dhe tha se papunësia në mesin e këtyre të rinjve vlerësohet të jetë rreth 70 për qind. “Ndërsa, në të njejtën kohë, Kosova jep përshtypjen e një hapësire ndërtimi dhe këto qendra do të përgatisin këta të rinj që të gjejnë punë jo vetëm në Kosovë, por edhe në Evropë. Nga këtu nuk dalin njerëz me grada akademike, por dalin njerëz me aftësi praktike”, tha ambasadori Kvale, i cili theksoi se duke ndërtuar këto dy shkolla, jemi në vijë me rekomandimet e Bashkimit Evropian dhe Bankës Botërore.

Ambasadori Kvale, mori edhe çmimin e ndarë ditë më parë si qytetar nderi i Malishevës, ndërsa në Skenderaj, ai përveç mirënjohjes për angazhimin e tij në ndërtimin e qendrave të kompetencës, pranoi edhe një dhuratë që ishte një pikturë e bërë nga vet nxënësit e Qendrës.

 

Edhe kryetarët e komunave të Malishevës dhe Skenderajt, Isni Kilaj dhe Sami Lushtaku, falënderuan Qeverinë Norvegjeze dhe i vlerësuan këto dy qendra si dhurata të çmueshme për komunat e tyre dhe për gjithë Kosovën.

Ndërsa, ministri Buja dhe pjesëmarrës të tjerë, mysafir në këto ceremoni, më pas u njohën edhe ambientet e dy qendrave, ku tashmë pritet të pranohet edhe gjenerata e dytë e nxënësve.

 

Ndërtimi i Qendrave të Kompetencës në Skenderaj dhe Malishevë, është bërë nga Qeveria Norvegjeze (14.7 milion euro) dhe MASHT-i (1.2 milion euro), dhe janë më modernet në gjithë rajonin. Planprogrami, pajisjet dhe dizajni i ndërtesave i përmbushin standardet më të larta evropiane.

Qendra e Kompetencës në Skenderaj aftëson punëtorë të kualifikuar në sektorin e Ndërtimtarisë. Ka kapacitet për 850 nxënës dhe sipërfaqja e saj është rreth 9.600 metër katrorë.

Qendra e Kompetencës në Malishevë aftëson punëtorë të kualifikuar në lëmin e Ekonomisë, Kontabilitetit/Administratës dhe Tregtisë, Ka po ashtu kapacitet për 850 nxënës dhe ka një sipërfaqe prej 9.200 metër katrorë.

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)

 

- Në kuadër të projektit ' Tell Me More' të perkrahur nga MKRS dhe DKRS dhe të implementuar nga Kuvendi i të Rinjve të Prizrenit do të realizohet shfaqja teatrale në Shtepinë e Kulturës " Xhemajli Berisha ". (Shtëpia e Kulturës në Prizren, ora 20:00)