06 Dhjetor 2022

Gjermania mbështet arsimin dhe aftësimin profesional në Kosovë

Prishtinë, 12 shkurt - Deutsche Gesellschaft für Internationale Zusammenarbeit (GIZ) GmbH, në emër të Qeverisë Gjermane dhe nnnë prani të Ambasadorit gjerman Jörn Rohde i ka dhuruar Universitetit të Prishtinës pesë pajisje për saldim që janë fjala e fundit e teknologjisë.

Pajisjet do të ju shërbejnë studentëve dhe profesorëve të Fakultetit të Inxhinierisë Mekanike, e po ashtu do të jenë të në dispozicion të nxënësve të shkollave profesionale dhe ndërmarrjeve trajnuese.

Arsimi dhe aftësimi profesional i të rinjve si dhe punësimi i tyre është një nga fushat prioritare të bashkëpunimit ndërmjet dy qeverive, asaj të Kosovës dhe të Gjermanisë. Lidhur me këtë, Ambasadori Gjerman në Kosovë Jörn Rohde theksoi:

“Qeveria Gjermane e mbështet Kosovën dhe shumë vende të tjera në botë në modernizimin e arsimit. Prandaj edhe fokusi i Gjermanisë është veçanërisht në arsimin dhe aftësimin profesional, i cili siguron mundësi të shkëlqyera për tregun kombëtar dhe ndërkombëtar të punës ".

Rektori i Universitetit të Prishtinës “Hasan Prishtina”, Dr. Sc. Naser Sahiti u shpreh:

“Universiteti I Prishtinës e çmon mbështetjen e vazhdueshme nga ana e Qeverisë Gjermane dhe GIZ-it që është esenciale për forcimin dhe zgjerimin e kapaciteteve të universitetit për sa I përket ofrimit të trajnimeve specifike për komunitetin dhe institucionet.”

Mirënjohje ndaj këtij bashkëpunimi shprehu edhe Dekani i Fakultetit të Inxhinierisë Mekanike, Prof. Dr. Ahmet Shala, i cili theksoi nevojën për modernizimin e teknologjisë në funksion për përgatitje më të mirë profesionale të kuadrove të reja.

Ndërkaq, udhëheqësi i projektit për punësimin dhe shkathtësitë e të rinjve në kuadër të GIZ, Dr. Klaus Bader-Labarre, vlerësoi punën e përbashkët me partnerët kosovarë për përmirësimin e cilësisë së shkollave profesionale dhe institucioneve tjera të aftësimit profesional në Kosovë.

GIZ vepron në emër të Qeverisë Gjermane që nga viti 1999 në Kosovë. Fushat kryesore të veprimit përfshijnë, ndër tjerash zhvillimin e qëndrueshëm ekonomik, shkathtësitë dhe punësimin e të rinjve, efiçiencen e energjisë, qeverisjen e mirë dhe zhvillimin e qëndrueshëm urban përkitazi me furnizimin me ujë, mënjanimin e ujërave të zeza dhe menaxhimin e mbeturinave.

 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)