18 Tetor 2021

Gërvalla takohet me studentë shqiptarë në New York

New York, 23 shtator - Ministrja e Punëve të Jashtme dhe Diasporës, znj. Donika Gërvalla, ka zhvilluar një bashkëbisedim në ambientet e Konsullatës së Republikës së Kosovës në New York me një grup studentësh dhe përfaqësues të organizatave joqeveritare shqiptare në New York.

Gjatë këtij bashkëbisedimi u ngrit nevoja për të rritur bashkëpunimin institucional me bashkatdhetarët në mërgatë dhe u diskutuan mënyrat dhe format konkrete në këtë drejtim.

Ministrja Gërvalla shprehu përkushtimin e Qeverisë së Kosovës për ta inkorporuar dijen dhe praktikat e mira të të rinjve tanë në diasporë, në proceset e zhvillimit të shtetit në të gjitha fushat ku ka mundësi dhe nevojë.

Nga ana e tyre studentët dhe të pranishmit e tjerë u interesuan të dinë më shumë rreth politikës së jashtme, prioriteteve qeveritare, bashkëpunimin me pjesëtaret e diasporës e shumë çështje të tjera.
 

Kalendari

Ngjarjet e datës 18 Tetor 2021

 - Ministri i Financave, Punës dhe Transfereve dhe Auditorja e Përgjithshme e ZKA-së raportojnë para Komisionit për Mbikëqyrjen e Financave Publike lidhur me shqyrtimin e Raportit Vjetor të Auditimit për vitin 2020. (Ndërtesa e Kuvendit, salla N10, ora 10:00)

- Fondacioni Kosovar Trashëgimia Kulturore pa Kufij, CHwB Kosova organizon Ilucidare Playground: “Guralec: Moving Rocks” dhe Konferencën “Përtej mureve dhe bindjeve”. Kinema Jusuf Gërvalla në Pejë