29 Mars 2024

Gashi merr detyren e rektorit të Universitetit të Prishtinës

Prishtinë, 1 tetor - Ministri i Arsimit, Shkencës dhe Teknologjisë, Ramë Buja ka marrë pjesë në ceremoninë solemne të pranim-dorëzimit të detyrës së rektorit të Universitetit të Prishtinës (UP).

Me këtë rast, rektori i deritanishëm, Mujë Rugova ia dorëzoi detyrën rektorit të ri, Ibrahim Gashi në sallën e Senatit në Rektoratin e UP-së, ku kishte të pranishëm personalitete nga politika, kultura dhe shkenca, si dhe ambasadorë të vendeve të ndryshme.

Pas ceremonisë, ministri Buja pati edhe një takim të shkurtër me rektorin e ri të UP-së, Ibrahim Gashi, të cilit ia uroi detyrën dhe uroi që Universiteti në krye me të vazhdojë rrugën drejt sukseseve edhe më të mëdha dhe drejt ngritjes së cilësisë në arsimin e lartë, që është edhe synim i Ministrisë së Arsimit, Shkencës dhe Teknologjisë.

Ndërsa, rektori Gashi u zotua se do punojë pakursyeshëm për vizionin e tij për ta quar përpara Universitetin e Prishtinës.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)