22 Prill 2021

Diskutohet ndërtimi i shkollës “model”

Prishtinë, 18 janar - Ministria e Arsimit, Shkencës dhe Teknologjisë (MASHT) përmes projektit të Bankes Botërore IDEP ka bërë Udhëzuesin për projektimin e hapësirave shkollore – normat dhe standardet.

Në bazë të tyre është projektuar një shkollë “model”, e cila do të ndërtohet në lagjen “Arbëria” të kryeqytetit, lokacion ky i përzgjedhur nga Komuna e Prishtinës.

MASHT-i sot ka organizuar një takim publik, ku është diskutuar për ndikimin që do të ketë në mjedis shkolla “model”.

Në këtë takim kanë marrë pjesë edhe dy këshilltarët e ministrit Buja, Ilmi Ramadani dhe Ragip Gjoshi.

Të pranishmit i përshëndeti këshilltari Gjoshi, i cili në emër të ministrit ndër të tjera falenderoi donatorët dhe të gjithë pjesëmarrësit që e bëjnë të mundur realizimin e këtij projekti.

Ai theksoi rëndësinë e ndërtimit të shkollave të tilla. “Bota po investon në ambinet dhe Qeveria e Kosovës e ka treguar përkushtimin e saj për krijimin e një ambineti sa më të mirë për nxënësit tanë dhe kjo shkollë jo vetëm që do të jetë model në Kosovë, por ajo do të jetë model edhe për rajonin”.

Gjoshi theksoi se ky projekt është vendosur që të realizohet në lagjen “Arbëria” në mënyrë që t’i kontribuoj mjedisit të asaj pjesë të qytetit krahas edukimit që do të ofrojë.

Ai theksoi po ashtu rëndësinë e ambientit për krijimin e individëve të shëndoshë dhe tha se shpreson që edhe komunat tjera do të ndihmojë në realizimin e modeleve të tilla të shkollave.

Fadile Dyla, drejtoreshë e Infrastrukturës në MASHT, prezantoi draft udhëzuesin dhe kërkoi nga të pranishimit që të dërgojnë vërejtjet dhe sygjerimet e tyre edhe në formë elektronike, para se ky udhëzues të marrë formën përfundimtare.

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)